Cantillana

Cantillana

Localización
37°36′32″N 5°49′28″O
Estado	España
Comunidade autónoma	Andalucía
Provincia	Provincia de Sevilla
Capital	Cantillana
Poboación
Poboación	10.780 (2025) (100,09 hab./km²)
Xeografía
Parte de	distrito notarial de Martos Mancomunidade de Servizos «La Vega» Vega del Guadalquivir
Superficie	107,7 km²
Altitude	34 m
Comparte fronteira con	Brenes Villanueva del Río y Minas Tocina El Pedroso Villaverde del Río Castilblanco de los Arroyos Carmona
Organización política
• Alcaldesa	Ángeles García Macías
Identificador descritivo
Código postal	41320
Fuso horario	UTC+01:00, horario estándar UTC+02:00, horario de verán
Código INE	41023
Sitio web	cantillana.es

Cantillana é unha localidade da provincia de Sevilla, en Andalucía (España).

Xeografía

No ano 2005 contaba con 9.411 habitantes. A súa extensión é de 107 km² e ten unha densidade de 88,0 hab/km². As súas coordenadas xeográficas son 37º 36' N, 5º 49' W. Atópase situada a unha altitude de 32 metros e a 29 quilómetros ao noroeste da capital de provincia, Sevilla.

Como a capital provincial, Cantillana aséntase na ribeira norte do Guadalquivir, xusto na desembocadura do seu afluente o Viar. Ademais do núcleo principal, tamén pertencen a Cantillana o lugar formado ao redor da estación do ferrocarril, e mais os casaríos de Carretera de Brenes, La Mota e Los Pajares.

Historia

É posíbel que a actual Castillana se corresponda coa romana Ilipa Naeva, e téñense atopado no núcleo restos correspondentes a esa época. Aparece mencionada como Cantiliana por Isidoro de Sevilla nas súas Etimoloxías. Situada no camiño entre Córdoba e Sevilla, Cantillana foi amurallada e convertida nunha praza forte. Como boa parte dos lugares situados nas proximidades de Sevilla, cando o rei castelán Fernando III preparaba a toma da capital ocupou Castillana e desprazou a poboación musulmá en abril de 1247. O monarca dooulle a vila á Orde de Santiago en 1248 e catro anos máis tarde (1252) pasa a depender do arcebispado sevillano. O arcebispo comparte o seu dominio sobre a vila co cabido catedralicio entre 1285 e 1547, cando o rei Filipe II a recupera para a coroa e lla dona ao corsario Juan Antonio Vicentelo de Leca, en pagamento polos servizos, e convértea en condado.

Os edificios máis importantes de Castillana son a igrexa da Asunción, comezada en 1619, e a igrexa de San Bertolameu, do século XV.

Artesanía

Destaca o tecido de mantóns de Manila que desde o século XIX veñen realizando as mulleres de Castillana. Tamén ten tradición o traballo do coiro e a olería.

Véxase tamén

Ligazóns externas

• Cantillana na web da Deputación de Sevilla
• Cantillana - Sistema de Información Multiterritorial de Andalucía
• [1] Patrimonio cultural de Cantillana na Base de datos do Patrimonio Inmoble de Andalucía. IAPH