Álvaro Gestido

Álvaro Gestido
Álvaro Gestido
Información persoal
Nome	Álvaro Antonio Gestido Pose
Nacemento	17 de maio de 1907
Lugar de nacemento	Montevideo
Falecemento	18 de xaneiro de 1957
Lugar de falecemento	Santa Clara de Olimar
Altura	1.76 metros
Posición	Centrocampista
Carreira sénior
Selección nacional
Na rede
	Partidos e goles só en liga doméstica.; ; [ editar datos en Wikidata ]
	v; c; e;

Álvaro Antonio Gestido Pose, nado en Montevideo o 17 de maio de 1907 e finado en Treinta y Tres o 18 de xaneiro de 1957, foi un futbolista uruguaio, de orixe galega. Xogaba como centrocampista e militou toda a súa carreira no Club Atlético Peñarol da Primeira División do Uruguai. Foi internacional coa selección uruguaia, coa que conquistou o Mundial de 1930 e a medalla de ouro nos Xogos Olímpicos de 1928.

Era irmán do presidente uruguaio Óscar Diego Gestido.

Traxectoria[editar | editar a fonte]

Naceu en Montevideo en 1907, nunha familia de raíces galegas, e elixiu a carreira militar ao igual que o seu irmán máis vello Óscar Diego, futuro presidente da República.^[1]^[2] Desenvolveu toda a súa carreira no Peñarol, dende o equipo da cuarta división ata o de Primeira.^[3]

No Peñarol formou un famoso medio do campo xunto ao galego Lorenzo Fernández e a Gideón Silva, conquistando en 1928 e 1929 os seus dous primeiros campionatos uruguaios. Gañou tamén o campionato en 1932 e outros catro entre 1935 e 1938, sendo a primeira vez que un equipo lograba catro consecutivos.

Retirouse do fútbol profesional o 28 de decembro de 1941, nun partido amigable ante o River Plate da Arxentina, no que se conmemoraba o 50º aniversario do Peñarol.^[3] Con todo, regresou en 1944 para disputar dous partidos, substituíndo ao lesionado Obdulio Varela.^[4]

Morreu dun ataque cardíaco o 18 de xaneiro de 1957, meses antes do seu 50 aniversario.

Selección uruguaia[editar | editar a fonte]

Foi internacional coa selección do Uruguai en 25 ocasións, despois de debutar en 1927. Participou nos Xogos Olímpicos de 1928, gañando a medalla de ouro na final contra a Arxentina. Dous anos despois disputou a primeira edición do Mundial de Fútbol celebrada no seu país. Formou medio do campo con Lorenzo Fernández e José Leandro Andrade e xogou todos os partidos, incluída a final contra a Arxentina no Estadio Centenario, onde o seu equipo se proclamou o primeiro campión mundial.^[5]

Palmarés[editar | editar a fonte]

Peñarol

Primeira división do Uruguai (7): 1928, 1929, 1932, 1935, 1936, 1937, 1938.
Torneo Competencia (2): 1936, 1941.
Copa Aldao (1): 1928.

Selección do Uruguai

Copa do Mundo (1): 1930.
Xogos Olímpicos (1): 1928.

Notas[editar | editar a fonte]

↑ Antelo, Iván (28 de xuño de 2018). "El triunfo de la emigración gallega". La Voz de Galicia (en castelán). Consultado o 17 de xullo de 2021.
↑ Pérez Pena, Marcos (21 de xullo de 2016). "Uruguai e Galicia: Un século de irmandade futbolística". Consultado o 17 de xullo de 2021.
↑ ^3,0 ^3,1 "Carboneros Gloriosos - Semblanzas - Alvaro Antonio GESTIDO" (en castelán). Consultado o 17 de xullo de 2021.
↑ "Álvaro Gestido". Padre y decano (en castelán). Consultado o 17 de xullo de 2021.
↑ "Final Mundial 1930". FIFA (en inglés). Consultado o 17 de xullo de 2021.

Véxase tamén[editar | editar a fonte]

Ligazóns externas[editar | editar a fonte]

Datos do xogador no sitio web oficial da AUF (en castelán).

[1] Antelo, Iván (28 de xuño de 2018). "El triunfo de la emigración gallega". La Voz de Galicia (en castelán). Consultado o 17 de xullo de 2021.

[2] Pérez Pena, Marcos (21 de xullo de 2016). "Uruguai e Galicia: Un século de irmandade futbolística". Consultado o 17 de xullo de 2021.

[:0-3] 3,0 ^3,1 "Carboneros Gloriosos - Semblanzas - Alvaro Antonio GESTIDO" (en castelán). Consultado o 17 de xullo de 2021.

[4] "Álvaro Gestido". Padre y decano (en castelán). Consultado o 17 de xullo de 2021.

[5] "Final Mundial 1930". FIFA (en inglés). Consultado o 17 de xullo de 2021.

[1]

[2]

[3]

[4]

[5]