Vilanova dos Infantes, Celanova

Na Galipedia, a Wikipedia en galego.
Vilanova dos Infantes
Vilanova dos Infantes. Galiza. Vista panorámica.jpg
Vilanova dos Infantes
Concello Celanova
Poboación 271 hab. (2009)
Entidades de poboación 5

San Salvador de Vilanova dos Infantes é unha das 19 parroquias do concello ourensán de Celanova. En 2009 tiña 271 habitantes.

Historia[editar | editar a fonte]

Na parroquia de Vilanova dos Infantes está o castro de Castromao, un poboado castrexo, habitado até o século III e abandonado entón para construír a nova vila. En documentos do ano 927 a vila aparece relacionada con Rosendo de Celanova. No ano 940 a súa nai, Aldara de Celanova, fundou o convento de Santa María de Vilanova dos Infantes, sendo abadesa a súa filla Adosinda. O lugar pasou a ser coñecido como Vilanova das Infantas[1]. O convento foi reconstruído entre 1215 e 1225, e formou parte da orde de San Bieito até o seu abandono en 1880. Até a década de 1940 conserváronse elementos arquitectónicos como capiteis, restos de arcos ou bases de columnas[2].

A historia da vila está ligada á Torre de Vilanova dos Infantes, construída no século X e destruída na Gran Guerra Irmandiña. A comezos do século XIX foi restaurada a torre da homenaxe para acoller a casa consistorial. Formou municipio de seu até 1927 cando se incorporou ao concello de Celanova.

A comezos do século XXI leváronse a cabo obras de restauración no poboado medieval.

Patrimonio[editar | editar a fonte]

A igrexa parroquial construíuse sobre unha antiga capela de estilo mozárabe que mandou construír tamén Aldara de Celanova. No interior do templo consérvase unha imaxe románica de Xesús Cristo nunha cruz similar ás ramas dunha árbore.

O Santuario da Virxe do Cristal debe o seu nome a unha bóla de cristal duns 10 cm de diámetro cunha imaxe da Virxe María en actitude orante, atopada no século XVII. Celébrase a súa festividade o 15 de setembro, e desde 2002 a misa maior faise ao aire libre nunha capela anexa. A esta virxe dedicou Manuel Curros Enríquez o seu poema "A Virxe do Cristal":

Preto da Cidade de Ourense,
camiño de Celanova,
onde é mais tépedo o vento,
que a terra Galega azouta...

Galería de imaxes[editar | editar a fonte]

Artigo principal: Galería de imaxes de Celanova.

Notas[editar | editar a fonte]

  1. ORERO GRANDAL, L.: "Estudo arqueolóxico de Vilanova dos Infantes", en Raigame nº 34 (maio 2011).
  2. Capitel de Vilanova, no Museo de Ourense.

Lugares e parroquias[editar | editar a fonte]

Lugares de Vilanova dos Infantes[editar | editar a fonte]

Lugares da parroquia de Vilanova dos Infantes no concello de Celanova (Ourense)

A Roda de Abaixo | Carfaxiño | O Cristal | Santa María | Vilanova dos Infantes

Parroquias de Celanova[editar | editar a fonte]

Galicia | Provincia de Ourense | Parroquias de Celanova

Acevedo do Río (San Xurxo) | Alcázar de Milmanda (Santa María) | Amoroce (Santiago) | Ansemil (Santa María) | Barxa (San Tomé) | Bobadela (Santa María) | Cañón (San Lourenzo) | Castromao (Santa María) | Celanova (San Rosendo) | Fechas (Santa María) | Freixo (Santa Cristina) | Milmanda (Santa Eufemia) | Mourillós (San Pedro) | Orga (San Miguel) | Rabal (San Salvador) | A Veiga (San Paio) | Vilanova dos Infantes (San Salvador) | Viveiro (San Xoán)


Véxase tamén[editar | editar a fonte]

Commons
Commons ten máis contidos multimedia sobre: Vilanova dos Infantes, Celanova

Outros artigos[editar | editar a fonte]