Sichuan

Na Galipedia, a Wikipedia en galego.

Sichuan[1] é unha provincia do sudoeste da República Popular da China. A súa capital é Chengdu; e con outras poboacións importantes como son Zigong (tamén coñecida como Tzu-kung), Kangding e Litang.

Ten unha extensión de 487.000 quilómetros cadrados e unha poboación, en crecemento, duns 85.600.000 habitantes no (2009), sendo a cuarta provincia máis poboada de China, detrás de Guangdong (Kwangtung), Henan (Honan) e Shandong (Shantung).

Limita polo norte coa provincia de Gansu, polo noroeste coa provincia de Shaanxi, polo leste co municipio de Chongqing, polo sudeste coa provincia de Guizhou, polo sur coa provincia de Yunnan, polo oeste coa Rexión Autónoma do Tíbet e polo noroeste coa provincia de Qinghai.

Está situada no sudoeste de China, atravesada polo río Yangzi. A parte oriental está ocupada pola 'conca vermella', unha depresión moi fértil e cun clima cálido de invernos suaves. No oeste a paisaxe consiste en altiplanos e abruptas montañas cheas de gandería. É unha das portas de comunicación co Tíbet.

Na segunda feira do 12 de maio de 2008, ás 14:28:00 (horario local), produciuse un terremoto dunha magnitude de 7.8, localizado a 90 km ao noroeste da capital Chengdu, que provocou 40.075 mortos (39.577 na provincia) e 247.645 feridos, segundo fontes oficiales.[2]

Notas[editar | editar a fonte]

  1. Diciopedia do século 21. 3. Isaac Díaz Pardo, Víctor F. Freixanes, Antón Mascato (edición). Editorial Galaxia. 2007. p. 1928. ISBN 9788482893600.
  2. Suman más de 40.000 las víctimas fatales del sismo (www.pagina12.com)
Commons
Commons ten máis contidos multimedia sobre: Sichuan