Portal:Irlanda/Sabías que.../Arquivo

Aquí están todos os Sabías que... do portal Irlanda:

1[editar a fonte]

...o escudo de Irlanda está documentado como pertecente ao Rei de Irlanda xa dende o século XIII?
...o yola foi unha lingua xermánica que se falou en Irlanda até mediados do século XIX?
...a Porta de St. James en Dublín é o punto de partida tradicional en Irlanda para facer o Camiño de Santiago?

...o shamrock é un símbolo con marca rexistrada polo Goberno Irlandés?
...a bandeira de Costa do Marfil é moi semellante á bandeira de Irlanda? (só difiren na disposición invertida das cores e nas proporcións)
...a presidenta de Irlanda Mary Robinson foi sucedida por Mary McAleese en 1997, sendo a primeira vez no mundo que unha muller sucedeu a outra como xefa de estado dunha república?

...os O'Connor, descendentes dos antigos reis medievais de Connacht, son unha das dinastías reais máis antigas de Europa? (pódese rastrexar até o ano 76)
...o consumo de té per cápita en Irlanda é maior que o de calquera outro país do mundo?
...o cróquet foi inventado en Irlanda na década de 1830?

...Waterford é a cidade máis antiga de Irlanda? (fundouse no ano 853).
...os máis de 4 millóns de persoas que viven na República de Irlanda só representan a metade das persoas que posúen a cidadanía irlandesa?
...Eduardo Bruce, irmán de Roberto I de Escocia, foi o derradeiro Gran Rei de Irlanda?

...Letterkenny ten a rúa principal máis longa de Irlanda?
...Sir Francis Beaufort, creador da escala de Beaufort, naceu en Navan, no condado de Meath?
...nunha pinta de cervexa Guinness as burbullas de gas van cara abaixo?

...o Foyle é o río máis rápido de Europa e que o atravesa a única ponte de dous andares do continente?
...a casa do concello de Cork foi pagada polo Reino Unido como xesto de reconciliación durante a década de 1930 para substituír a anterior, que fora queimada polas forzas británicas durante a Guerra de Independencia irlandesa?
...o Dublin University Football Club (fundado en 1854) ten unha forte demanda para que sexa considerado o club de rugby máis antigo do mundo?

...as Forzas Aéreas de Irlanda xurdiron por mor da negociación do Tratado Angloirlandés, cando se mercou un biplano para permitir que Michael Collins puidera escapar en caso de fallar as negociacións?
...a cidade de Limerick foi asediada tres veces durante o século XVII?
...pitch and putt,, un xogo moi semellante ao golf, foi inventado en Irlanda onde aínda se segue a xogar?

...Newgrange é unha tumba de 5000 anos de antigüidade que foi construída de xeito que os pasadizos interiores estivesen iluminados durante o solsticio de inverno?
...a Segunda Batalla de Athenry foi unha das batallas máis sanguentas que aconteceron na historia de Irlanda con 10 000 mortos?
...toda a poboación de Baltimore, no condado de Cork, foi secuestrada por piratas alxerianos en 1631?

...que a diferenza do hurling, a súa versión feminina (camogie) prohíbe calquera contacto físico innecesario?
...o montañeiro Ger McDonnell, o primeiro irlandés en subir ao K2, levou un camán (pau de hurling) ao cumio do Everest en 2003?
...que, cunha taxa máxima do 12,5 %, Irlanda ten a terceira taxa máis baixa de imposto de sociedades do mundo?

...o Monumento a Wellington en Dublín é o meirande obelisco de Europa?
...de acordo coa xenealoxía tradicional irlandesa, todo o pobo irlandés descende do rei Mil, neto de Breogán?
...a tribo dos choctaw doou 170$ para paliar os efectos da Gran Fame irlandesa en 1847?