Manuel Pesqueira
| Biografía | |
|---|---|
| Nacemento | 7 de decembro de 1911  Lantañón, España |
| Morte | 7 de febreiro de 1988 (76 anos) Pontevedra, España |
| Datos persoais | |
| País de nacionalidade | España |
| Actividade | |
| Ocupación | pintor |
| Lingua | Lingua castelá |
Manuel Pesqueira Salgado, nado en Lantañón (Paradela, Meis) o 7 de decembro de 1911 e finado en Pontevedra o 7 de febreiro 1988, foi un pintor galego.
Traxectoria[editar | editar a fonte]
Atraído pola pintura. Trasladouse a Pontevedra aos 16 anos para estudar maxisterio, onde coñeceu a Alfonso Daniel Rodríguez Castelao, Carlos Maside e Arturo Souto.[1] Vinculouse ás Irmandades da Fala, despois simpatizou co Partido Galeguista e colaborou en A Nosa Terra.[1] En 1933 fixo a súa primeira exposición en Pontevedra. Marchou á Escola Municipal de Artes e Oficios de Vigo e despois a Madrid. Coa vitoria do Frente Popular foi concelleiro de Meis polo Partido Galeguista. Logo do golpe de Estado do 18 de xullo de 1936 sufriu varios intentos de agresión de falanxistas, polo que se enrolou na Lexión.[2] Foi combatente na Guerra civil e ferido na fronte de Aragón en 1938, resultou co brazo dereito inutilizado. En 1939, no hospital de Vilagarcía de Arousa, comezou a pintar coa man esquerda.[1] Viviu en Vilagarcía onde casou en 1942 e despois trasladouse á Coruña.
En 1951 o Centro Gallego de Buenos Aires organizou unha exposición colectiva na Sala Velázquez na que participaron, ademais de Manuel Pesqueira, Laxeiro, Isaac Díaz Pardo, Carlos Maside e Xulia Minguillón. Expuxo en Madrid, Santiago de Compostela, Vigo e París (1984).
Vida persoal[editar | editar a fonte]
Casou con Carmen Collazo Grela en 1942, e foi pai de José e Manuel Pesqueira Collazo.
Notas[editar | editar a fonte]
- ↑ 1,0 1,1 1,2 Dicionario biográfico de Galicia.
- ↑ Gallego Rei, Mario; Milleiro Sánchez, Celso Xavier; Moreira Docampo, Xosé Manuel (2012). Para despois do silencio. O Concello de Meis da II República a Guerra Civil. Vigo: Ir Indo. pp. 169–171. ISBN 978-84-7680-692-0.
Véxase tamén[editar | editar a fonte]
Bibliografía[editar | editar a fonte]
- López Bernárdez, Carlos (2005). Breve historia da arte galega - Breve historia del arte gallego (en bilingüe). Nigra Trea.
- López, J. M. (1990). "El Arte Contemporáneo". Enciclopedia temática de Galicia (en castelán) V. Nauta. ISBN 84-278-1210-8.
- Pablos, Francisco (1981). Plástica Gallega (en castelán). Caja de Ahorros Municipal de Vigo. pp. 262–263. ISBN 84-7231-603-3.
- Pablos, Francisco (2003). A pintura en Galicia - La pintura en Galicia (en bilingüe). Nigra Trea. p. 95. ISBN 84-95364-15-8.
- "Pesqueira Salgado, Manuel". Diccionario enciclopédico galego universal 48. La Voz de Galicia. 2003-2004. p. 125. ISBN 84-7680-429-6.
- "Pesqueira Salgado, Manuel". Dicionario biográfico de Galicia 3. Ir Indo Edicións. 2010-2011. p. 104.
- "Pesqueira Salgado, Manuel". Diciopedia do século 21 3. Do Cumio, Galaxia e do Castro. 2006. p. 1624. ISBN 978-84-8288-942-9.
- "Pesqueira Salgado, Manuel". Enciclopedia Galega Universal 13. Ir Indo. 1999-2002. p. 410. ISBN 84-7680-288-9.
- "Pesqueira Salgado, Manuel". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Tomo XVI: Arte Contemporánea I. Proxecto Galicia. Hércules de Ediciones. 1999.
