LunaJets

Na Galipedia, a Wikipedia en galego.

Coordenadas: 46°13′30″N 6°4′54″L / 46.22500, -6.08167

LunaJets

Sede da empresa en Xenebra.
TipoPrivada
Fundación2007
LocalizaciónXenebra, Suíza
FundadorEymeric Segard
IndustriaAviación
Beneficio 110.000.000 CHF (2021)[1]
Na rede
https://www.lunajets.com/en, https://www.lunajets.com/fr, https://www.lunajets.com/de, https://www.lunajets.com/es, https://www.lunajets.com/ru, https://www.lunajets.com/pl, https://www.lunajets.com/hu e https://www.lunajets.com/it
Facebook: lunajets Twitter: lunajets Instagram: lunajets LinkedIn: lunajets-s-a- Editar o valor em Wikidata
[ editar datos en Wikidata ]

LunaJets é unha empresa privada de alugueiro de avións de negocios, fundada en 2007 por Eymeric Segard en Xenebra (Suíza), onde ten a súa sede. Ten oficinas tamén en Londres, París, Mónaco, Riga e Dubai.

A compañía non posúe ningún avión en propiedade; o seu modelo de negocio consiste en conectar os operadores e propietarios de avións privados con clientes finais. Ao longo dos anos, LunaJets desenvolveu unha rede global de 350 operadores con acceso a 4.800 avións,[2] tanto turbohélices coma jets a reacción que varían en tamaño, desde very light jets, coma o Cessna Citation Mustang, ata avións VIP, coma os Boeing Business Jet (BBJs) ou os Airbus Corporate Jets (ACJs).

Forma parte das alianzas European Business Aviation Association (EBAA) e da National Business Aviation Association (NBAA). Posúe a certificación ARGUS (filial de SGS).

Historia[editar | editar a fonte]

LunaJets foi fundado en decembro de 2007 por Eymeric Segard,[3] antigo publicista da axencia Ogilvy, tras lograr reunir dous millóns de dólares de investidores privados. O concepto inicial era crear unha plataforma en liña para proporcionar "voos baleiros" (empty-leg flights),[4] e "asentos baleiros" de última hora en avións privados que voan baleiros, cun desconto sobre o prezo de mercado que poden alcanzar o 75%. Estes "voos baleiros" son avións que transitan sen pasaxeiros debido á necesidade de reposicionarse ou volver á súa base, entre outras razóns.

Nese momento o empresario Richard Branson, xunto con Scott Duffy,[5] lanzou un proxecto similar chamado Virgin Charter, onde se potenciaba o jet-sharing (compartir avión privado) e a revenda de asentos, modelos de negocio que LunaJets non compartiu.[6] Virgin Charter, que nese momento empregaba a 100 persoas, detivo as súas operacións en 2009 cando o alugueiro de avións privados caeu drasticamente debido á crise financeira. Nese mesmo ano 2009, LunaJets lanzou o seu sitio web, especializado en servizo completo e baixas comisións en voos privados baixo demanda.

En 2010, LunaJets rebautizouse como provedor de voos chárter de baixo custo baixo o slogan “fly private at the best price” (voa en privado ao mellor prezo), ofrecendo voos a demanda e voos baleiros (empty-legs). Ese mesmo ano abriron unha oficina en Hungría.

En 2015 lanzaron a súa app para móbiles,[7] presentada pola cadea CNBC coma o Uber da aviación privada. Ese mesmo ano, LunaJets abriu unha sucursal dentro da terminal de jets privados en Olbia (Italia) e en Dubai, así coma unha nova oficina en Ibiza. Neste momento a empresa contaba cuns 25 empregados.

En 2017 a empresa superou os 40 empregados, contando 20 nacionalidades e 12 idiomas. LunaJets alcanzou os 60 millóns de francos suízos en vendas anuais en 2018, o que representa un aumento do 40% con respecto ao ano anterior.[8] Además, en 2018 a empresa organizou preto de 5.000 voos, un 35% máis ca o ano anterior.[8] Ese mesmo ano foi a primeira vez que a revista económica Bilan premiou á empresa como mellor empregador do ano. O crecemento da compañía foi notable: En 2010 venderon unhas 550 prazas e contaban cuns 10 empregados e para 2019 xa subiran a 6.000 voos e uns 50 empregados.

En 2021, LunaJets alcanzou os 100 millóns de francos suízos en vendas anuais, máis de 8.000 voos organizados e 60 empregados repartidos en seis oficinas: Xenebra, París, Londres, Riga, Mónaco e Dubai. Ese mesmo ano superou a cifra de máis de 1.100 novos clientes que cobren voos de longo alcance en todos os continentes,[9] así como operou voos chárter de urxencia desde Cabul. Na actualidade lidera os servizos de jet chárter en Europa.[10]

Modelo de negocio[editar | editar a fonte]

O modelo de negocio de LunaJets baséase en alugar jets privados ofrecendo os mellores prezos do mercado. A súa función é poñer en contacto os propietarios dos avións de negocios cos clientes finais. Para poder ofrecer os mellores prezos baséanse no poder adquisitivo e nunha tecnoloxía propia desenvolvida polo equipo, que lles permite ofrecer un servizo 24 horas.

Filiais[editar | editar a fonte]

LunaJets pertence ao grupo Luna Aviation. Dentro do grupo atópase LunaSolutions, especializada na venda e adquisición de aeronaves; LunaGroup Charter, para grupos grandes de pasaxeiros e LunaLogistik, especializada en voos de carga e urxencias médicas.[11]

LunaSolutions[editar | editar a fonte]

LunaSolutions, fundada en 2020, ofrece un servizo personalizado a aqueles que desexen vender ou intercambiar avións privados.[12] Estes poden ser clientes privados, corporativos ou incluso gobernos. O obxectivo é brindarlles o asesoramento axeitado e individualizado para a adquisición ou venda de jets privados. As súas oficinas ubícanse en Xenebra, Londres e París.[12] Grazas á experiencia de máis de 10 anos de LunaJets no sector, o coñecemento sobre aeronaves é moi completo e avanzado para unha solución a medida de cada cliente.

LunaGroup Charter[editar | editar a fonte]

LunaGroup Charter funciona de maneira similar a LunaJets, dedicado á localización de avións privados pero para grupos grandes, cos mesmos principios de efectividade e transparencia, adaptando as necesidades do grupo na busca da mellor solución para calquera destino e lugar de partida. En 2022, LunaGroup Charter bateu o récord de 5.500 pasaxeiros voando o mesmo día para o Torneo das Seis Nacións de rugby.[13]

LunaLogistik[editar | editar a fonte]

LunaLogistik adícase a axudar a clientes particulares e corporacións co servizo de transporte e envío de mercadorías por vía aérea. Estas cargas poden ser desde valiosas obras de arte, documentos importantes, produtos perigosos, ou mercadorías grandes e pesadas. As oficinas atópanse en Xenebra e Londres.[14]

Certificacións e asociacións[editar | editar a fonte]

Logo da EBAA

LunaJets conta coa certificación ARGUS,[15] o símbolo de excelencia máis respectado dentro da industria da aviación, sendo unha filial do grupo francés SGS. En 2015 foi a primeira empresa de voos chárter en obter esta certificación fóra dos Estados Unidos, renovada dous anos máis tarde.[15]

En 2018 a revista financeira suíza Bilan recoñeceu a LunaJets coma "Mellor empregador de Suíza", para empresas emerxentes con menos de 100 empregados.[16] En 2021 recibiu o premio por cuarta vez.[17]

LunaJets é membro da European Business Aviation Association (EBAA) e da National Business Aviation Association (NBAA) estadounidense.[18]

LunaJets pertence a The Air Charter Association como axente certificado de ARGUS.[19] Esta certificación está plantexada para promover maiores niveis de seguridade e atención ao cliente.[19] Ofrecen consultoría de aviación, estándares de auditoría global e analítica aeronáutica.

Patrocinios[editar | editar a fonte]

Veleiro IMOCA La Fabrique

Desde 2011 LunaJets patrocina o equipo de vela Aleph Sailing Team. En 2014 convertíronse en socios de The Womanity Foundation, en Suíza. No verán de 2016 LunaJets patrocinou o Stile F Squadra Corse no Blancpain GT Series, unha carreira anual de GT3 no Circuíto Paul Ricard, en Le Castellet (Francia).[20]

En 2017, anunciaron o seu apoio á World Bicycle Relief, organización sen ánimo de lucro que reparte bicicletas a nivel global, como parte do seu programa de responsabilidade social corporativa.[21] Un ano máis tarde renovaron o seu compromiso coa organización.[22]

Ese mesmo ano patrocinaron un catamarán de aluminio easy-to-fly chamado Luna.[23] En 2018, foi o primeiro easy-to-fly en gañar a carreira Bol d'Or Mirabaud, no lago Léman de Xenebra.

En 2018 anunciouse o patrocinio durante tres anos das viaxes e regatas de Alan Roura, a bordo do veleiro IMOCA La Fabrique.[23]

En 2022 LunaJets converteuse no patrocinador da Scuderia Monte-Carlo (filial de Ferrari en Mónaco) para o campionato Ferrari Challenge en Europa e apoiando á Fundación Eden, para a construción dun orfanato e unha escola en Cotonou (Benín). O seu piloto, o monegasco Willem van der Vorm, venceu o campionato de 2021.[24]

Frota[editar | editar a fonte]

A frota á que ten acceso LunaJets, dentro das categorías Very Light Jets (en xeral, de 4-5 asentos), Light Jets (5-8 asentos), Super Light Jets (6-8 asentos), Midsize Jets (6-9 asentos), Super Midsize Jets (7-9 asentos), Large Jets (10-12 asentos), Super Large Jets (12-15 asentos), Long Range Jets (12-15 asentos), Turboprops, VIP Airliner e Regional Jet Airliner; está formada polas seguintes aeronaves:[25]

Very Light Jets
Light Jets
Super Light Jets
Midsize Jets
Super Midsize Jets
Large Jets
Super Large Jets

Notas[editar | editar a fonte]

  1. ↑ "LunaJets nearly doubles revenue". businessairnews.com. Consultado o 29 maio 2022. 
  2. ↑ "A Global Network of Private Jets". lunajets.com. 
  3. ↑ "LunaJets launch low cost private jet travel up to 80% cheaper". The Travel Magazine. 20-07-2008. 
  4. ↑ "LunaJets says empty legs bargain attracts new clients". Charter Broker Magazine. Xuño 2010. 
  5. ↑ Arrington, Michael (2007-06-12). "Virgin Charter Launches: Private Aviation Marketplace". TechCrunch (en inglés). Consultado o 2023-11-16. 
  6. ↑ "L'Économie de partage s'étend à l'aviation privée". tdg.ch (en francés). 
  7. ↑ "LunaJets nearly doubles revenue but forecasts clouds ahead | Magazine | Business Air News". businessairnews.com. Consultado o 08-12-2022. 
  8. ↑ 8,0 8,1 "LunaJets vise 100 millions de revenus fin 2020". Agefi.com. 
  9. ↑ Kingston, Izzy (7 xaneiro 2022). "LunaJets surpassed $100m revenue in 2021". Business Jet Interiors International. 
  10. ↑ "The Story of LunaJets". lunajets.com. 
  11. ↑ "Luna Aviation Group". lunajets.com. Consultado o 22 xuño 2022. 
  12. ↑ 12,0 12,1 "Aircraft Aviation Experts | LunaSolutions". lunaaircraftsolutions.com. Consultado o 22 xuño 2022. 
  13. ↑ "Aircraft charter for the Six Nations | LunaGroup Charter". lunagroupcharter.com. Consultado o 08 decembro 2022. 
  14. ↑ "Global Multimodal Logistics Experts for You | Luna Logistik". lunalogistik.com. Consultado o 08 decembro 2022. 
  15. ↑ 15,0 15,1 "LunaJets is first European charter broker to earn ARGUS rating". Business Airport International. 11 novembro 2015. Arquivado dende o orixinal o 01-08-2018. 
  16. ↑ Gollan, Doug (30 abril 2018). "LunaJets wins Bilan's top employer award". privatejetcardcomparisons.com. 
  17. ↑ Kingston, Izzy (7 xaneiro 2022). "LunaJets surpassed $100m revenue in 2021". Business Jet Interiors International. 
  18. ↑ "Our difference | Our team | Our background". lunajets.com. Arquivado dende o orixinal o 18 setembro 2018. Consultado o 18 marzo 2019. 
  19. ↑ 19,0 19,1 "Members Directory". The Air Charter Association. 
  20. ↑ "When private aviation meets race cars: LunaJets supports Ferrari". lunajets.com. Consultado o 16 xuño 2016. 
  21. ↑ "LunaJets supports World Bicycle Relief association". charterbroker.aero. Consultado o Agosto 2017. 
  22. ↑ "LunaJets renews its support to World Bicycle Relief". lunajets.com. 
  23. ↑ 23,0 23,1 "LunaJets sponsors Alan Roura's sailing adventures for the next three years!". lunajets.com. 
  24. ↑ "Willem Van der Vorm, the confidence of a champion". ferrari.com. 
  25. ↑ "Private Jet Comparator". lunajets.com (en inglés). Consultado o 2 xaneiro 2023. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=LunaJets&oldid=6554978»