Circuíto Paul Ricard

Circuíto Paul Ricard
Plano do Circuíto
Datos
Carreiras
Localización	Le Castellet, Francia
Lonxitude	5´809
Curvas	14
Volta rápida (1985)	1:39.914
Piloto Record	Keke Rosberg
Escudería Record	Williams Honda
Lonxitude	3´812
Curvas	9
Volta rápida (1990)	1:08.012
Piloto Record	Nigel Mansell
Escudería Record	Ferrari
Coordenadas	43°15′2″N 5°47′30″E
Vista do Circuíto

Paul Ricard é un autódromo construído no ano 1969 en Le Castellet, no sur de Francia.

Historia

Recibe o nome do excéntrico magnate das bebidas que vivía na comunidade próxima de Signes. Durante anos foi considerado o circuíto máis seguro da súa época, xa que dispuña de mellores instalacións que o resto de circuítos, e foi fogar das probas de inverno de moitos equipos. O circuíto tiña tres posibles trazados, un aeroporto e unha zona industrial. A zona máis prominente do trazado é a recta Mistral, de máis de quilómetro e medio de lonxitude, que vai seguida da curva aberta Signes. Tras a morte de Paul Ricard, a familia decidiu vender o circuíto e en maio de 1999 foi comprado por Bernie Ecclestone por preto de 11 millóns de dólares. Desde entón o circuíto foi completamente reconstruído e segue en activo.

Automobilismo

Foi inaugurado en 1970 cunha carreira de coches de motores de 2.0 litros gañada por Brian Redman. Ao seguinte ano tocoulle albergar o Gran Premio de Francia de Fórmula 1 que foi dominado por Jackie Stewart. Dous anos máis tarde o evento retornou a Paul Ricard e esta vez o gañador foi Ronnie Peterson tras a colisión que encerellou a Emerson Fittipaldi e a un novísimo Jody Scheckter. Niki Lauda dominou a carreira de 1975 mentres que o seu rival James Hunt fíxoo ao ano seguinte. En 1978 chegoulle a quenda a Mario Andretti.

Na década de 1980 tiveron lugar dúas importantes vitorias francesas, a de René Arnoux en 1982 e a de Alain Prost en 1983, ambos pilotos de Renault. Tras 1985 o circuíto consolidouse como Gran Premio de Francia a pesar da morte de Elio de Angelis durante unhas probas nel, o que fixo que se acurtase a recta Mistral para reducir drasticamente a velocidade. En 1986 e 1987 Nigel Mansell obtivo a vitoria, mentres que de 1988 a 1990 foi Alain Prost quen gañou. Paul Ricard foi substituido en 1991 polo circuíto de Magny-Cours en Nevers. Actualmente segue sendo sede de moitas das probas de inverno de equipos de Fórmula 1.

Todos os gañadores de Fórmula 1, no circuíto de Paul Ricard

Ano	Piloto	Auto	Duración	Lonxitude	Voltas	Velocidade media	Data	GP de
1971	Jackie Stewart	Tyrrell-Ford	1:46:41,680 h	5,810 km	55	179,700 km/h	4. Xullo	Francia
1973	Ronnie Peterson	Lotus-Ford	1:41:36,520 h	5,810 km	54	185,264 km/h	1. Xullo
1975	Niki Lauda	Ferrari	1:40:18,840 h	5,810 km	54	187,655 km/h	6. Xullo
1976	James Hunt	McLaren-Ford	1:40:58,600 h	5,810 km	54	186,423 km/h	4. Xullo
1978	Mario Andretti	Lotus-Ford	1:38:51,920 h	5,810 km	54	190,404 km/h	2. Xullo
1980	Alan Jones	Williams-Ford	1:32:43,420 h	5,810 km	54	203,016 km/h	29. Xuño
1982	René Arnoux	Renault	1:33:33,217 h	5,810 km	54	201,215 km/h	25. Xullo
1983	Alain Prost	Renault	1:34:13,913 h	5,810 km	54	199,767 km/h	17. Abril
1985	Nelson Piquet	Brabham-BMW	1:31:46,266 h	5,810 km	53	201,325 km/h	7. Xullo
1986	Nigel Mansell	Williams-Honda	1:37:19,272 h	3,813 km	80	188,062 km/h	6. Xullo
1987	Nigel Mansell	Williams-Honda	1:37:03,839 h	3,813 km	80	188,560 km/h	5. Xullo
1988	Alain Prost	McLaren-Honda	1:37:37,328 h	3,813 km	80	187,482 km/h	3. Xullo
1989	Alain Prost	McLaren-Honda	1:38:29,411 h	3,813 km	80	185,830 km/h	9. Xullo
1990	Alain Prost	Ferrari	1:33:29,606 h	3,813 km	80	195,761 km/h	8. Xullo

Record: A.Prost (4 Veces)