Kevin Spacey

Kevin Spacey.

Kevin Spacey, nado o 26 de xullo de 1959 en South Orange, Nova Jersey, é un actor e director estadounidense, gañador de dous premios Óscar de Hollywood.

Biografía

Nado en South Orange, no estado de Nova Jersey, co nome Kevin Spacey Fowler. É o irmán menor dos tres fillos dun matrimonio formado por un pai redactor técnico, e una nai secretaria. O traballo do pai motivou que a familia se mudara en varias ocasións, vivindo en distintas localidades do país. Finalmente establecéronse en California, onde o pequeno Kevin puxo de manifesto o seu carácter falcatrueiro. Os seus pais enviárono a un internado dirixido por militares, onde foi expulsado ós poucos meses. Ingresou entón nun colexio do Val de San Fernando, preto de Los Ángeles. Allí Spacey encontrouse a gusto, e comezou a participar no teatro afeccionado da escola.

Finalizada a escola, e tras unha breve estancia nun colexio de actuación de Los Ángeles, Spacey marchou a Nova York e comezou a estudar interpretación no prestixioso Juilliard School. Ós dous anos estaba tan devecente de actuar, que abandonou o colexio antes de graduarse e incorporouse ó Festival de Shakespeare de Nova York.

En 1981 Spacey apareceu por primeira vez no teatro, interpretando a un mensaxeiro na obra de Shakesperare Enrique VI. Ó ano seguinte actuou nun drama de Ibsen en Broadway. Deuse de conta que o seu camiño estaba no cine, pero aínda así, Spacey seguiu actuando regularmente no teatro e gañou en 1991 un premio Tony, o equivalente ós Óscar no teatro.

Introduciuse no cine a mediados da década de 1980, con papeis secundarios en películas de éxito como Se acabó el pastel (con Jack Nicholson y Meryl Streep) e Armas de mujer (con Harrison Ford, Sigourney Weaver y Melanie Griffith). En 1992 participou en Glengarry Glen Ross, cun reparto de ilustres veteranos: Al Pacino, Jack Lemmon, Ed Harris... Pero a súa consagración como estrela foi co thriller Se7en, xunto a Brad Pitt e Morgan Freeman, onde fai á perfección o papel dun asasino psicópata.

Spacey é sen dúbida un dos grandes actores de carácter norteamericanos dos nosos días. Gañou dous Óscar, un como mellor actor de reparto e outro como mellor actor principal, este último por American Beauty en 1999. Recentemente, Spacey foi nomeado director artístico do teatro Old Vic en Londres, nun dos teatros máis prestixiosos de lingua inglesa. Alí dirixe unha nova compañía teatral, que actúa durante oito meses ó año, e da que Spacey é tamén actor, ademais de director. Entre outras obras, estreou en Londres Cloaca da dramaturga Maria Goos.

Kevin Spacey vive actualmente en Los Ángeles e é amigo de actores como Steve Martin, Sean Penn y Tom Hanks. Nunca se casou, e mantense reservado no tocante a súa vida privada, fomentando así rumores sobre a súa sexualidade, os cales desmentiu en numerosas ocasións.

Filmografía

• Horrible Bosses (2010)
• Casino Jack (2010)
• Father of invention (2010)
• The social network (2010; produtor)
• Os homes que miraban fixamente ás cabras (2010)
• Shrink (2009)
• Moon (2009)
• 21 (2008)
• Recuento (2008)
• Fred Claus (2007)
• Superman Returns (2006)
• Ciudad sin ley (2005)
• El mundo de Leland (2004)
• Beyond the Sea (2004)
• La vida de David Gale (2003)
• Austin Powers in Goldmember (2002; cameo)
• K-Pax (2001)
• Atando cabos (2001)
• La Clave del Éxito (2000)
• Cadena de favores (2000)
• Criminal y decente (2000)
• El pez gordo (2000)
• American Beauty (1999)
• Negociador (1998)
• Hurlyburly (1998)
• Medianoche en el jardín del bien y del mal (1997)
• L. A. Confidential (1997)
• Tiempo de matar (1996)
• Looking for Richard (1996)
• Sospechosos habituales (1995)
• Se7en (1995)
• Estallido / Epidemia (Outbreak) (1995)
• Esto no es un secuestro (1994)
• El factor sorpresa (1994)
• Voluntad de hierro (1994)
• Glengarry Glen Ross (1992)
• Dobles parejas (1992)
• Bajo otra bandera (1990)
• Henry y June (1990)
• No me chilles que no te veo (1989)
• Mi padre (1989)
• Rocket Gibraltar (1988)
• Armas de mujer (1988)
• Se acabó el pastel (1986)

Premios

Premios Óscar

Ano	Categoría	Película	Resultado
1999	Mejor actor	American Beauty	Gañador
1995	Mejor actor de reparto	The Usual Suspects	Gañador

Premios Globo de Oro

Ano	Categoría	Película	Resultado
2011	Mellor actor - Comedia o musical	Casino Jack	Candidato
2004	Mellor actor - Comedia o musical	Beyond the Sea	Candidato
2003	Mellor actor - Drama	The Life of David Gale	Candidato
1999	Mellor actor - Drama	American Beauty	Candidato
1997	Mellor actor - Drama	L. A. Confidential	Candidato
1995	Mellor actor de reparto	The Usual Suspects	Candidato

Premios BAFTA

Ano	Categoría	Película	Resultado
1999	Mellor actor	American Beauty	Gañador
1997	Mellor actor	L.A. Confidential	Candidato

Premios del Sindicato de Actores

Año	Categoría	Película	Resultado
1999	Mellor actor	American Beauty	Gañador
1997	Mellor reparto	L.A. Confidencial	Candidato

Véxase tamén

Ligazóns externas

• IMDb
• Kevin Spacey en Cinearchivo.com (en castelán).