Escola neogramática

A Universidade de Leipzig sobre o 1900

Os Neogramáticos (en alemán Junggrammatiker) foron un grupo de lingüistas alemáns da Universidade de Leipzig que, a finais do século XIX, deron un notábel impulso ao desenvolvemento da indoeuropeística ata chegar a definir unha primeira reconstrución do indoeuropeo, definida nos decenios seguintes como reconstrución "clásica" e definitivamente sintetizada na monumental Grundriß der vergleichenden Grammatik der indogermanischen Sprachen (1897-1916) de Karl Brugmann.

Ao movemento tamén se fai referencia coa expresión Escola neogramática e Escola de Leipzig

Expoñentes da escola

Os neogramáticos foron:

• August Leskien (1840–1916).
• Berthold Delbrück (1842–1922).
• Hermann Paul (1846–1921).
• Hermann Osthoff (1847–1909).
• Karl Brugmann (1849–1919).
• Wilhelm Braune (1850–1926).
• Eduard Sievers (1850–1932).

Á escola neogramática tamén se adoitan asociar os estudos de Otto Behaghel, Adolf Noreen e Karl Verner.

Principios teóricos

Os Neogramáticos, inspirados polas investigacións contemporáneas no campo da filoloxía xermánica que arribaron á definición da Lei de Grimm e da Lei de Verner, identificaron unha serie de leis que regulaban as relacións fonéticas no paso do indoeuropeo reconstruído ás linguas indoeuropeas históricas; ten especial relevo a Lei de Leskien, segundo a cal o cambio fonético, en igualdade de condicións, se produce sempre co mesmo resultado, sen excepcións. Ademais, os Neogramáticos introduciron tamén os principios, complementarios á Lei de Leskien, da analoxía e do préstamo.

Véxase tamén

Bibliografía

Fontes primarias

• Brugmann, Karl (1897-1916), Grundriß der vergleichenden Grammatik der indogermanischen Sprachen, 4 vol., Estrasburgo: Trubner. Agora en: Brugmann, Karl (1967), Grundriß der vergleichenden Grammatik der indogermanischen Sprachen, Berlín: W. de Gruyter & Co..

Literatura historiográfica

• Villar, Francisco (1991), Los Indoeuropeos y los origienes de Europa: lenguaje e historia, Madrid: Gredos. ISBN 8424914716. T
• Watkins, Calvert (1995), «El proto-indoeuropeo» Anna Giacalone Ramat, Paolo Ramat Las lenguas indoeuropeas, Madrid: Cátedra. ISBN 84-376-1348-5.

Artigos relacionados

• Indoeuropeística.
• Indoeuropeo.
• Linguas indoeuropeas.
• Lingüística comparada.