Castanopsis acuminatissima
| Castanopsis acuminatissima | |||||||||||||||
|---|---|---|---|---|---|---|---|---|---|---|---|---|---|---|---|
.jpg) Poliña de Castanopsis acuminatissima nun herbario | |||||||||||||||
| Estado de conservación | |||||||||||||||
 Pouco preocupante[1] | |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| Castanopsis acuminatissima (Blume) A.DC., 1863 | |||||||||||||||
Castanopsis acuminatissima é unha especie da familia das fagáceas pertencente ao xénero Castanopsis, propia do Sueste asiático e Nova Guinea.
Taxonomía[editar | editar a fonte]
Descrición[editar | editar a fonte]
A especie foi descrita en 1863 polo naturalista e botánico alemán-neerlandés Carl Ludwig Blume, baixo o nome Castanea acuminatissima, nun traballo publicado en Journal of Botany, British and Foreign. London 1: 182.[2]
Sinónimos[editar | editar a fonte]
Ademais de polo nome actualmente válido, a especie coñeceuse tamén polos sinónimos:[2]
- Castanea acuminatissima Blume (protónimo)
- Castanea sessilifolia Blume
- Castanopsis acuminatissima (Blume) Rehder
- Castanopsis bejaudii A.Camus
- Castanopsis junghuhnii (Miq.) Hayata
- Castanopsis junghuhnii (Miq.) Markgr.
- Castanopsis nebularum Hickel & A.Camus
- Castanopsis schlenckerae F.M.Bailey
- Castanopsis sessilifolia (Blume) A.DC.
- Pasania acuminatissima (Blume) Oerst.
- Quercus acuminatissima (Blume) A.DC.
- Quercus fagiformis Jungh.
- Quercus junghuhnii Miq.
- Quercus lineata Miq.
- Quercus varingifolia Miq.
- Synaedrys acuminatissima (Blume) Koidz.
- Synaedrys fagiformis (Jungh.) Koidz.
Características[editar | editar a fonte]
Castanopsis acuminatissima é unha árbore de copa grande, de até os 40 m de altura. O tronco está marcadamente estriado. A casca é de cor gris ou parda pálida, rugosa e fisurada, de menos de 25 mm de grosor, co interior vermello. As follas son simples, de 9,0 a 11,5 cm de longo e de 2,5-3,5 cm de largo, e dispostas en espiral ao longo das pólas. Os froitos son noces simples, de 1 a10 mm de diámetro.[3]
Distribución[editar | editar a fonte]
Castanopsis acuminatissima esténdese desde o suroeste da China (provincias de Guizhou e Yunnan) até Indochina (Laos, Myanmar, Tailandia, Vietnam) e os outeiros de Chittagong de Bangladesh e Malaisia (nas illas de Sulawesi, Xava, Borneo e Sumatra), en Indonesia (na illa de Nova Guinea (Papúa Occidental) e en Papúa Nova Guinea e en Nova Bretaña.[3][4]
Ecoloxía[editar | editar a fonte]
En Nova Guinea e Nova Bretaña é unha árbore predominante nos bosques montanos, onde se encontra entre os 900-1000 e os 2000 m de altitude.[5] Tamén pode encontrarse en elevacións máis baixas en bosques de outeiros, en asociación con Hopea papuana e Casuarina papuana, tolerantes á seca.[6]
Notas[editar | editar a fonte]
- ↑ Barstow, M. (2018): Castanopsis acuminatissima na Lista vermella da UICN. Versión 2020-1. Consultada o 4 de xullo de 2020.
- ↑ 2,0 2,1 Castanopsis acuminatissima (Blume) A.DC. no GBIF. Consultado o 4 de xullo de 2020.
- ↑ 3,0 3,1 Castanopsis acuminatissima en Guide to Trees of Papua New Guinea. Consultada o 4 de xullo de 2020.
- ↑ Castanopsis acuminatissima (Blume) A. DC. en U.S. National Plant Germplasm System. Consultada o 4 de xullo de 2020.
- ↑ "Central Range montane rain forests". Terrestrial Ecoregions. World Wildlife Fund. Consultada o 4 de xullo de 2020.
- ↑ "Papua New Guinea", en FAO Forestry country profiles - natural woody vegetation.
 |
Wikispecies posúe unha páxina sobre: Castanopsis acuminatissima |
