Aurelio

Na Galipedia, a Wikipedia en galego.
Aurelio.
Mapa político do noroeste da Península Ibérica tras a sustitución da España visigoda, pola musulmá. Galicia aparece gobernada por numerosos señores territoriais cristiáns que tentan impoñer a súa autoridade sobre os demais.

Aurelio, nado cara ao 740 e finado no 774, foi un nobre galego, que gobernou en boa parte da Galicia alto-medieval desde 768 a 774, segundo as crónicas afonsinas. As súas orixes son un enigma histórico, A Crónica Albeldense non dá ningún dato sobre a súa ascendencia, e a Crónica de Afonso III, escrita máis de cen anos despois explica que era curmán de Froila I, posiblemente co obxectivo de facelo entroncar con Afonso I e a súa mítica liñaxe real dende Leovixildo.

Traxectoria[editar | editar a fonte]

Foi elixido pola nobreza para suceder a Froila I, asasinado nunha revolta palatina por unha facción. O fillo de Froila, Afonso (máis tarde Afonso II) foi alonxado do trono.

As crónicas transmiten a noticia dos primeiros movementos sociais de contestación antiseñorial da Idade Media peninsular. Os servos erguéronse contra os seus señores, acabando por seren submetidos por Aurelio. A localización desta rebelión é descoñecida, se be está fora de dúbida que debeu ter grande importancia, posto que fora rexistrada nas crónicas.

Aurelio faleceu de morte natural, e sen descendencia, en Langreo. Foi sucedido por Silo I, quen casara con Adosinda (prima de Aurelio e filla de Afonso I.


Reino de Asturias

Segue a:
Froila I
Aurelio
Precede a:
Silo I
Astur-Leonesa

Véxase tamén[editar | editar a fonte]

Bibliografía[editar | editar a fonte]

  • Anselmo López Carreira, Tucho Fernández Cal, Os reis de Galicia, Vigo : A Nosa Terra, 2003. ISBN 84-96203-27-1.
  • Xosé Antonio López Teixeira, Arredor da conformación do Reino de Galicia (711-910), Editorial Toxosoutos, S.L. 02/2003.
  • Anselmo López Carreira, O reino medieval de Galicia, Edicións A Nosa Terra, Promocións Culturais Galegas, S.A., 2005, ISBN 84-96403-54-8.
  • Nogueira, C. (2001): A Memoria da nación: o reino da Gallaecia. Xerais, Vigo.
  • Barbosa Álvarez, José Manuel, Atlas histórico da Galiza, Ediçons da Galiza, ISBN 978-84-936218-1-0.