Hermerico
| Hermerico | |
|---|---|
| Rei do Reino Suevo de Galicia | |
| Reinado | 409 – 438 |
| Falecemento | 441 |
| Sucesor | Requila |
| Descendencia | Requila |
Hermerico (?-441) foi o primeiro rei suevo de Gallaecia, reinou dende o 409 até o 438. Dirixiu ó seu pobo dende o Rin até Gallaecia, onde someteu á poboación galaico-romana e asinou un foedus con Roma mediante o cal establecía o seu reino na provincia romana de Gallaecia e aceptaba ó emperador como o seu superior (410). En teoría actuaba como federado de Roma e mantivo a paz con eles, enfrontándose aos vándalos asdingos que se refuxiaran na Gallaecia logo de seren atacados polo visigodo Valia e chegaron a pór en dificultades ó exército suevo nos Montes Nerbasos no ano 419 resolvendo Hermerico a situación grazas á axuda de Asterio, conde romano, o que posibilitou a ocupación de toda a Gallaecia mentres os vándalos marchaban cara á Bética. En 438 asociou ó seu fillo Requila ao trono.
Índice |
Abdicación [editar]
Despois de sete anos de enfermidade, as circunstancias físicas forzan a Hermerico a abdicar a coroa no ano 438, pasando o goberno de todo o reino de Galicia —así como os territorios meridionais conquistados— ao seu fillo e herdeiro, Requila, confirmando deste xeito a sucesión patrilineal nos hábitos de transferencia de poder entre os monarcas suevos como sucedía cos francos, e diferindo xa temperamente da sucesión electiva, propia de outros pobos xermánicos como os visigodos. Hermerico marcará unha liñaxe real, da que non coñecemos a orixe mais si a fin, que se produce no ano 456, coa morte do seu neto Requiario.
|
Hermerico
Nacemento: ? Falecemento: 441
|
||
| Títulos Reais | ||
|---|---|---|
| Precedido por Novo título |
Rei de Galicia 409–438 |
Sucedido por Requila |
| Outros títulos | ||
| Precedido por Nova titulación en Galicia |
Rei dos Suevos 409–438 |
Sucedido por Requila |
Véxase tamén [editar]
Bibliografía [editar]
- López Carreira, A; Fernández Cal, T. Os reis de Galicia. A Nosa Terra. Vigo, 2003. ISBN 8-49620-327-1.
Outros artigos [editar]
|
||||||||||||||
