Acipenseriformes

Esturión do Atlántico (Acipenser oxyrinchus oxyrinchus)

Os Acipenseriformes son unha orde de peixes primitivos Actinopterixios (Actinopterygii), da subclase dos condrósteos, que inclúe os esturións, os peixes espátula e outras especies extintas.

Características

Acipenseriforme fósil

Presentan un esqueleto en gran parte cartilaxinoso. O corpo é de sección pentagonal, nu ou normalmente con cinco series de placas óseas ou escudos dispostos lonxitudinalmente. O fociño é alongado (rostrum) e a boca ventral, pequena e protráctil, con poucos dentes ou desdentada. As aletas dorsal e anal moi retrasadas, cos radios máis numerosos que as pezas basais. A aleta caudal é heterocerca.

Posúen vexiga gasosa comunicada co intestino e este posúe válvula espiral.

Adoitan ter gran tamaño.

Clasificación

• Familia Acipenseridae (esturións)
  • Subfamilia Acipenserinae
  • Subfamilia Scaphirhynchinae
• Familia Polyodontidae (peixes espátula)

Véxase tamén

Ligazóns externas

• FishBase
• Taxonomía ITIS
• Taxonomía Worls Register of Marine Species