Óscar Díaz González

Óscar Díaz González
	; (2013)
Biografía
Nacemento	24 de agosto de 1984 (40 anos); Madrid, España
Altura	180 cm
Peso	76 kg
Actividade
Ocupación	futbolista
Período de actividade	2004 -
Deporte	fútbol
Posición de xogo	Extremo esquerdo
Número deportivo	7
–
Traxectoria

Óscar Díaz González, nado en Madrid o 24 de abril de 1984, é un futbolista profesional español que actualmente xoga de dianteiro no Real Valladolid.

Traxectoria

Iniciou o seu camiño nas categorías inferiores do Alcorcón, debutando co primeiro equipo na tempada 2004-05 na Segunda B. As súas boas actuacións lévanlle a asinar polo Real Madrid Castilla, para a tempada 2005-06 na Segunda división. No filial madridista só xoga unha tempada, fichando posteriormente polo Elche da mesma categoría.

Tras dous anos no club ilicitano acepta a oferta do Real Mallorca da Primeira División no verán de 2008, mais finalmente non entra nos plans do seu adestrador, Gregorio Manzano, e para a tempada 2008-09 acepta a proposta de xogar cedido no Celta de Vigo en Segunda.

Na tempada 2009-10 e tras o seu paso polo club vigués, volve ao seu club, o Real Mallorca. No mes de xaneiro de 2010 volta ser cedido até fin de tempada, esta vez no Recreativo de Huelva. Tras esta cesión, e coa carta de liberdade debaixo do brazo, Óscar volve á segunda división, e firma por dous anos co Xerez CD. Aínda que posteriormente pasaría formar parte do cadro de xogadores do Girona FC. O 27 de xullo de 2012 asina co Club Deportivo Lugo para continuar xogando na categoría de Prata. No equipo galego, trala lesión do dianteiro arxentino Mauro Quiroga Ócar Díaz pasaría de xogar de interior a ocupar a posición de dianteiro centro cun notable éxito, converténdose no máximo goleador do Lugo na campaña e de toda a súa historia até o momento no fútbol profesional con 15 tantos.

O 28 de xuño de 2013 asina coa UD Almería para xogar na Primeira División, pagando unha cláusula ao Lugo de 30.000 euros. Tras un ano co equipo almeriense, o 23 de xullo de 2014 é presentado polo Real Valladolid para volver xogar na segunda categoría.

Clubs

Ano	Club	División	Partidos	Goles
2003-2004	Alcorcón B	Rexional	38	27
2004-2005	Alcorcón	Segunda B	36	8
2005-2006	Real Madrid Castilla	Segunda	18	2
2006-2007	Elche CF	Segunda	30	2
2007-2008	Elche CF	Segunda	14	2
2008-2009	Celta de Vigo (Cedido)	Segunda	34	3
2009	Real Club Deportivo Mallorca	Primeira	0	0
2010	Real Club Recreativo de Huelva	Segunda	16	0
2010-2011	Xerez CD	Segunda	40	6
2011-2012	Xerez CD	Segunda	12	0
2012	Girona FC	Segunda	9	0
2012-2013	CD Lugo	Segunda	38	15
2013-2014	UD Almería	Primeira	30	4
2014-2015	Real Valladolid	Segunda

Véxase tamén

Ligazóns externas

Datos do xogador en bdfutbol.com (en inglés)