Xosé Manuel Souto González

Xosé Manuel Souto González
Biografía
Nacemento	26/12/1956 (67 anos); Vigo
Datos persoais
País de nacionalidade	España
Educación	Universidade de Santiago de Compostela
Actividade
Ocupación	xeógrafo e historiador
Empregador	Universidade de Valencia
Lingua	Lingua castelá

Xosé Manuel Souto González, nado o 26 de decembro de 1956 en Vigo, é un xeógrafo e historiador galego, especialista en territorio e urbanismo.^[1]

Traxectoria[editar | editar a fonte]

Estudou o Bacharelato en Vigo. Licenciado en Xeografía e Historia pola Universidade de Santiago de Compostela. Posteriormente especializouse en Historia, Sección de Historia e Cultura de Galicia na mesma Universidade (1981). Foi catedrático de Xeografía e Historia no Ensino Medio dende 1984. A súa tese de doutoramento titúlase Desartellamento social e caos urbanístico. Vigo, 1960-1980, publicada en 1990. É profesor titular da Universidade de Valencia, membro do Instituto de Estudos Galegos Padre Sarmiento e membro fundador do Instituto de Estudios Vigueses.

Publicou artigos en Encrucillada, Solaina, Cuadernos de Estudios Gallegos, Revista Galega de Estudios Agrarios, Revista Galega de Educación, Grial…

Entre a súa extensa bibliografía están:

El hombre y sus actividades en el Valle Miñor, memoria de licenciatura, 1978.
Xeografía humana, Biblioteca Básica da Cultura Galega, 1988.
Coñecermos Vigo, 1989
Geografía de España: Los desequilibrios regionales, Valencia, 1996.^[2]
Vigo. Cen anos de historia urbana (1880-1980), Xerais, 1990.
O Val Miñor, entre as transformacións rurais e as innovacións urbanas, 1991.
Somos el mundo, con José Ramón Valero, Valencia, 1993.
Vigo: proxecto e realidade do medio periurbano, 1994.^[3]
As parroquias, 1995.
Los cuadernos de los alumnos. Una evaluación del currículo real, colectiva, Sevilla, 1996.^[4]
Vivendas e cidades, 1997
Didáctica de la geografía. Problemas sociales y conocimiento del medio, Barcelona, 1998.
Planeamento estratéxico e mercadotecnica territorial, 2001.