Xan López Facal
| Nome orixinal | Xoán Xosé López Facal |
|---|---|
| Biografía | |
| Nacemento | 1940  (83/84 anos)Toba, España |
| País de nacionalidade | española |
| Formación profesional | Enxeñeiro industrial Doutor en Ciencias Económicas |
| Educación | Universidade de Santiago de Compostela Universidade Politécnica de Madrid |
| Actividade | |
| Ocupación | economista, político |
| Empregador | Tafisa, Estaleiro Barreras, SODIGA, Universidade de Santiago de Compostela |
| Lingua | castelán, galego |
| Familia | |
| Cónxuxe | Ana |
| Irmáns | Javier López Facal Ramón López Facal |
  | |
Xan López Facal, Xoán López Facal, ou Joám Lopes Facal, nado en Toba (Cee) en 1940, é un enxeñeiro, economista e político galego.
Traxectoria
[editar | editar a fonte]Formación académica
[editar | editar a fonte]Trasladouse a Santiago de Compostela a casa duns familiares para facer os últimos cursos de bacharelato e estudar na súa Universidade. Tras estudar o primeiro curso de Ciencias na Universidade de Santiago de Compostela[1] (daquela curso común para todas as licenciaturas en Ciencias e as enxeñarías), trasladouse a Madrid para estudar na súa Universidade Politécnica a carreira superior de Enxeñaría industrial.[1] Posteriormente acadou o título de doutor en Ciencias Económicas na USC.[2]
Labor como enxeñeiro, economista e político
[editar | editar a fonte]Traballou como enxeñeiro na empresa Tafisa de Pontevedra, e despois no estaleiro Barreras en Vigo.[1] Nesa época desenvolveu unha intensa actividade sindical militando na clandestinidade en Galicia Socialista con Camilo Nogueira (cuñado seu). Marchou a Madrid para traballar nos servizos centrais do Banco Popular e despois no Banco Central.[1] Regresou a Galicia para traballar en SODIGA, da que chegou a ser director económico-financeiro.[1] Foi un dos dirixentes da Asemblea Popular Galega, integrándose despois no Partido Obreiro Galego. Foi profesor de Enxeñería Química da Universidade de Santiago de Compostela e deputado no Parlamento de Galicia polo PSG-EG. En 1999 prexubilárono de Sodiga e deu clases na Escola Politécnica Superior de Lugo. Traballou na análise da situación da economía galega e participou como docente en cursos máster da USC.[1]
Escribiu unha tese sobre o Banco Olimpio Pérez. (Véxase máis abaixo).
En 2016 tomou parte na fundación da Associaçom de Estudos Galegos (AEG) da que actualmente[cando?] é o seu presidente.[2]
Obra en galego
[editar | editar a fonte]Ensaio
[editar | editar a fonte]- Percursos sem roteiro Através Editora, 2015.
- "Lusofonia, perfil e sentido" IGADI, 2019.[3]
- "A economia galega frente ao exterior" IGADI, 2020.[4]
Tese de doutoramento
[editar | editar a fonte]- Xoán López Facal (2014): "O Banco de Olímpio Pérez, 1880-1936".[5]
Obras colectivas
[editar | editar a fonte]- Camilo Nogueira, Luís Soto e Xan L. Facal (1980): O poder industrial en Galicia. Vigo: Edicións Xerais de Galicia. ISBN 84-7507-010-8.
- Globalización, Competencia e Deslocalización. Perspectivas dende Galicia. Santiago de Compostela: Xunta de Galicia. ISBN 978-84-690-9673-4.[6]
Obra en castelán
[editar | editar a fonte]Ensaio
[editar | editar a fonte]- Desarticulación y dependencia industrial de Galicia (Sodiga, 1977).
- La expulsión de los recursos financieros y el crecimiento económico de Galicia (Sodiga, 1977).
Vida persoal
[editar | editar a fonte]É irmán do lingüista, especialista en grego e tradutor Javier López Facal, e do profesor de historia e historiador Ramón López Facal.
Notas
[editar | editar a fonte]- ↑ 1,0 1,1 1,2 1,3 1,4 1,5 "Xan López Facal: «A capacidade exportadora de Galicia é potente e sólida»". El Correo Gallego. 16 de outubro de 2010. Consultado o 8 de marzo de 2021.
- ↑ 2,0 2,1 Lopes Facal, Joám, no IGADI. Última actualización 03-03-2021.
- ↑ Texto completo
- ↑ Texto completo
- ↑ O banco de Olímpio Pérez, 1880-1936 Arquivado 23 de xaneiro de 2021 en Wayback Machine. en Minerva, repositorio institucional da Universidade de Santiago de Compostela.
- ↑ Texto completo
Véxase tamén
[editar | editar a fonte]Ligazóns externas
[editar | editar a fonte]- Cartel electoral das Autonómicas de 1981.
- Pino, Concha (7/2/2009). "Santiago é unha cidade ben encaixada na natureza e que ten uns parques estupendos". La Voz de Galicia. Consultado o 8/3/2021.
- "Xan López Facal: «A capacidade exportadora de Galicia é potente e sólida»". El Correo Gallego. 16/10/2010. Consultado o 8/3/2021.
- Lugilde, Anxo (30/12/2013). "Xoán López Facal, 73 años: «Vivir es tener actividad constante»". La Vanguardia. Consultado o 8/3/2021.
- Perfil en Através Editora
- Artigos de opinión en Praza.gal.
