W. E. B. Du Bois

W. E. B. Du Bois
Nome completo	William Edward Burghardt Du Bois
Alcume	Web Dubois
Nacemento	23 de febreiro de 1868 e 1868
	Great Barrington
Falecemento	27 de agosto de 1963
	Accra
Soterrado	Forte de Christiansborg, Forte de Christiansborg e W.E.B. Dubois Memorial Centre for Pan African Culture
Nacionalidade	Estados Unidos de América
Etnia	Afroamericano
Relixión	ateísmo
Educado en	Fisk University, Universidade Harvard e Universidade Humboldt de Berlín
Ocupación	historiador, novelista, filósofo, escritor, sociólogo, asistente social, Activista polos dereitos humanos e fotógrafo
Cónxuxe	Shirley Graham Du Bois
Fillos	Yolande Du Bois
Premios	Prêmio Lenin da Paz, Medalha Spingarn e National Association of Black Journalists Hall of Fame
[ editar datos en Wikidata ]

W. E. B. Du Bois.

William Edward Burghardt Du Bois, ás veces chamado Web Dubois, nado en Great Barrington (Massachusetts) o 23 de febreiro de 1868 e finado en Ghana o 27 de agosto de 1963, foi un afroamericano de orixe haitiana que loitou polo recoñecemento dos dereitos cívicos dos negros nos Estados Unidos. Foi tamén editor e poeta. Pertenceu á francmasonería.

Foi laureado co Premio internacional da paz (outorgado polo Consello mundial da paz) en 1952 e co Premio Lenin da paz en 1959.

Mocidade

Era fillo de Alfred e Mary Dubois. Estudou na Fisk University de Nashville (Tennessee), e logo en Harvard a partir de 1888. Foi o primeiro negro norteamericano graduado cun doutoramento en Filosofía por Harvard en 1895.

Madurez

Despois dos seus estudos en Harvard e en Berlín, publicou unha das primeiras obras sociolóxicas americanas: The Philadelphia Negro (O negro de Filadelfia). Ensina na Universidade de Atlanta e publica en 1903 o ensaio The Souls of Black Folk. Foi tamén autor de varias novelas, das que destaca The Dark Princess (A Princesa Negra).

En 1909, participou na creación da NAACP, e dirixiu o seu xornal, The Crisis.

A partir dos anos 1940, mostra unha simpatía crecente polas teses comunistas. En 1961, con 93 anos, afilíase oficialmente ao Partido comunista dos USA. Logo emigrou a Ghana, da que recibiu a nacionalidade, e onde faleceu en 1963.