Virginie Despentes

Virginie Despentes

Biografía
Nacemento	13 de xuño de 1969 (54 anos) Nancy, Francia
Datos persoais
País de nacionalidade	Francia
Actividade
Campo de traballo	Escrita creativa e profesional e dirección de cine
Ocupación	tradutora , guionista , escritora , novelista , directora de cinema , realizadora
Período de actividade	1993 -
Membro de	Collectif 50/50
Xénero artístico	Novela
Pseudónimo literario	Virginie Despentes
Lingua	Lingua francesa
Familia
Parella	Paul B. Preciado (2005–2014)
Premios (2015)  Le Vaudeville prize (en) , premiado polo traballo Vernon Subutex 1 (en) (2015)  Landerneau Prize (en) , premiado polo traballo Vernon Subutex 1 (en) (2010)  prix Trop Virilo (en) (2010)  Prêmio Renaudot (pt) , premiado polo traballo Apocalypse Baby (en) (2010)  Premio Virilo, premiado polo traballo Apocalypse Baby (en) (2010)  Lambda Literary Award (pt) (1999)  Premio Literario San Valentín, premiado polo traballo Q3233431 (1998)  Prix de Flore (en) , premiado polo traballo Q3233431

Virginie Despentes nada o 13 de xuño de 1969 en Nancy é unha escritora, directora de cine e pensadora feminista francesa.

Traxectoria

Segundo os seus escritos, a súa traxectoria estivo marcada polo seu internamento nun hospital psiquiátrico de moi nova e o trauma dunha violación máis tarde.

Optou por unha vida alternativa e a experimentación, traballando en peep shows, en salóns de masaxe e como prostituta. Estas experiencias configuraron unhas posicións feministas contestatarias e orixinais moi libertarias contrarias á prohibición da prostitución ou a pornografía.

Algunhas das súas obras literarias foron base de películas transgresoras.

Pensamento

Considera que a muller gañaría moito se deixase ao home acceder a unha paternidade activa en troques de aproveitarse do poder que lle confire política e socialmente a maternidade nos estados occidentais que avanzan cara a unha falsa igualdade.

No seu libro máis difundido, King Kong Théorie, expón que a sexualidade masculina é agresiva e dominadora e mesmo violenta (o propio do home é a violación). A violación é a representación crúa e directa do exercicio do poder masculino.

Anima á rebeldía, a berrar contra o que fai da muller vítima da visión masculina, exhorta a rachar coa imaxe de "boa rapaza" da sociedade ben pensante asumindo unha actitude que denomina como "proletaria da feminidade", pero asemade discrepa dos estereotipos feministas que considera que desprenden unha visión negativa da sexualidade e non valoran o encorsetamento e empobrecemento da personalidade dos homes por vérense forzados a asumir un papel propio do carácter viril dominador, pulsional e brutal.

Equipara a prostitución co traballo asalariado legal, non existe diferenza entre o sexo pagado e o sexo interesado propio do matrimonio ou das pensións froito do divorcio ou das relacións afectivas estables (sempre machistas). Para a muller occidental adaptada ao sistema o amor é un contrato económico implícito. Cando menos, segundo ela, moitas prostitutas manteñen a súa autonomía e a súa liberdade, alugan o seu corpo pero non o venden como fai a muller decente dos países desenvolvidos e supostamente igualitarios.

Mantén unha visión negativa das mulleres con poder nos países do primeiro mundo, pois as ve como mulleres que se saben acomodar aos desexos masculinos e que reproducen condutas de dominación e que compiten polo favor e admiración dos seus opresores masculinos (Así é como acabamos vixiándonos e xulgándonos unhas ás outras).

Defende o lesbianismo como liberador das esixencias escravizantes que comporta agradar os homes e do medo á decrepitude propia da vellez.

Obra

• Apocalipsis bebé. 2010