Suso Peña

Na Galipedia, a Wikipedia en galego.

Jesús de la Peña Santiago Rego, nado en Ribadeo o 2 de xuño de 1941 e finado na mesma vila o 5 de febreiro de 2005, foi un artista galego, que deixou fonda pegada na súa localidade natal.

Foto do cartel da homenaxe dedicada en Ribadeo a Suso Peña, recollendo un autorretrato seu con 40 anos[1].

Traxectoria[editar | editar a fonte]

Estudou no Instituto Laboral de Ribadeo, acabado de crear, presentándose ó ingreso con 14 anos e obtendo sobresaínte. Previa petición, realizou outro exame con resultado de matrícula de honor que lle permitiu obter unha bolsa de 3000 pesetas para o curso 1954/55. Mantivo un magnífico expediente académico, con excepción de 'Formación del Espiritu Nacional', relixión e ximnasia.[1]

Está considerado como o primeiro galego que se adicou de xeito profesional á banda deseñada (opinión por exemplo, de Miguelanxo Prado) o seu principal quefacer artístico e polo que é cualificado ás veces como historietista, se ben tamén se adicou ó retrato e á fotografía. Tras facer o servizo militar como paracaidista e ver publicado na revista do rexemento o seu primeiro traballo,[1] participou no grupo La Floresta (así denominado por Luis Gasea debido á situación do centro de traballo) a finais dos 1960, a partir de 1967, xunto a outros autores como Carlos Giménez, Adolfo Usero, Esteban Maroto ou Luís García. O nome do grupo provén do do chalé onde se desenvolveu, en Barcelona. Traballou para axencias con cómics de ciencia ficción, aventuras e outros, por un período de vinte e cinco anos nos que viu publicacións súas en América e Europa. Así, por exemplo, realizou, xunto con Carlos Giménez, varios episodios da serie Alex, Khan y Khamar para a axencia de José Ortega, con destino ao mercado europeo, e participou en revistas como Creepy nos eidos da ciencia ficción e as aventuras. Nos oitenta deixou a banda deseñada para dedicarse á fotografía, docencia, pintura e logo tamén (anos 90) realización de páxinas web. Algunhas das súas obras de b.d. son Cinco por infinito, El hombre de Pinkerton e un libro divulgativo sobre a Constitución española.

Presentación da conferencia de Roberto Rodríguez Rodríguez sobre Suso Peña, como acto de apertura do curso escolar 2017/2018 no IES de Ribadeo Dionisio Gamallo.

A persoa[editar | editar a fonte]

Ademais de debuxante, foi fotógrafo, sendo coñecido como 'fotógrafo da ría'.

Ademais das facetas profesionais, destacou como militante ecoloxista, antinuclear e antibelicista, ademais de ribadense que amaba a súa terra. Manifestacións prácticas do anterior son a súa defensa da ría fronte ós recheos, animación social fronte a daquela impulsada central nuclear en Xove, mantedor dos encontros mensuais contra a guerra de Iraq e en lembranza do asasinado José Couso Permuy, a súa participación na Plataforma da Defensa da ría de Ribadeo, impulsor da primeira asociación veciñal de Ribadeo etc. As anteriores son manifestacións que indican o seu posicionamento persoal e a actividade para manter de xeito efectivo o contorno natural, Ribadeo e as súas ideas fronte ó escurantismo e ás imposicións de poder fronte ás teses cidadáns.

Homenaxes[editar | editar a fonte]

O día 4 de febreiro de 2006 inaugurouse unha rúa co seu nome no barrio de San Lázaro en Ribadeo. Os actos de homenaxe incluíron tamén, entre outros, unha placa no lugar onde de esparciron as súas cinzas, a illa Pancha[2].

Obras[editar | editar a fonte]

Series[editar | editar a fonte]

  • Cinco, por Infinito (Delta 99, 1968); nas tres primeiras entregas, e co colectivo Grupo La Floresta, con guións de Esteban Maroto.
  • Safari en África (Gran Pulgarcito, 1970); con outros autores (guións de Sánchez Pascual)
  • Gringo (1970); con outros autores.
  • La Cobra de Rajasthan / Aventuras en la Selva (Trinca, 1971); co colectivo Grupo La Floresta (guións de Yáñez).
  • La saga de las víctimas (Dossier Negro, 1975).
  • Jeff Blake, el Hombre de Pinkerton (Kung Fu, 1977); con guións de Carlos Echevarría e F. Enríquez.
  • Control (no mensual 1984, 1982); sobre guións propios.
  • Wheeler (Avui, 1983).

Seriais[editar | editar a fonte]

Aventuras en la Selva (Euredit: Euroaventuras, 1969). 4 números.

Publicacións nas que participou[editar | editar a fonte]

Avui || Bikini Cat || Cimoc (selo Riego) || Comix Internacional + Ilustración || Creepy (época I) || Delta (selo Delta) || Delta 99 || Din Dan || Dossier Negro || Gran Pulgarcito || Gringo || Kung Fu || 1984 || Pulgarcito Extraordinario Verano 1971 || Super Pulgarcito (época II) || Terror Gráfico || Trinca || Vampus

Monografías[editar | editar a fonte]

  • El buque pirata (Bruguera: Joyas Literarias Juveniles, núm. 136, 1975); sobre guión de José Antonio Vidal Sales.
  • La cadena de la vida. Fauna africana (Columna; 5 tomos, 1976); con Luis Roca e outros.
  • Solidaridad con El Papus (73 selos editores, 1977); colectiva.
  • El Senado de España (Publicaciones del Senado, 1985); sobre guión de Fernando Guijarro.

Fotografía[editar | editar a fonte]

Suso Peña: La Mirada Mágica (Publilar, 2006, ISBN 978-84-611-1666-9), por Daniel Cortezón, Jaime Fernández e Manuel López. Confeccionado tras a súa morte coma homenaxe, recolle fotos, debuxos e banda deseñada.

Notas[editar | editar a fonte]

  1. 1,0 1,1 1,2 Conferencia "Unha visión de Suso Peña e o seu legado", impartida no inicio do curso académico 2017-2018 no IES de Ribadeo Dionisio Gamallo por Roberto Rodríguez Rodríguez (18/09/2017)
  2. "Cortezón, Suso Peña e as Covas do Rei Cintolo". Ribadeando. Consultado o 4/4/2017. 

Véxase tamén[editar | editar a fonte]

Bibliografía[editar | editar a fonte]

  • Atlas Español de la Cultura Popular: De la Historieta y su Uso, 1873-2000 (Jesús Cuadrado, Ediciones Sinsentido/ Fundación Germán Sánchez Ruipérez, 2000, ISBN 84-89384-23-1)

Ligazóns externas[editar | editar a fonte]