Safari (expedición)

Na Galipedia, a Wikipedia en galego.
Elefante avistado nun safari en Botsuana.

Un safari (/səˈfɑːri/) é unha viaxe terrestre para observar ou cazar animais salvaxes,[1] especialmente no leste e no sur de África.

Os chamados "Cinco Grandes" animais de África (león, leopardo, rinoceronte, elefante africano e búfalo africano) forman particularmente unha parte importante do mercado de safaris, tanto para a observación da vida salvaxe como para a caza maior.[2]

Etimoloxía[editar | editar a fonte]

A palabra safari significa "viaxe" en suahili, a lingua franca de África centro-oriental. A súa raíz é a voz árabe safar (سفر) de significado equivalente, que en suahili queda substantivada oa terminación en i, como é característico daquela lingua. Foi asimilada por todas as linguas adxacentes e comunmente estendido o seu significado en gran parte do mundo.[3]

Turismo[editar | editar a fonte]

Modelo Toyota Hilux D4-D utilizado en safaris no parque nacional Kruger, Suráfrica.

Países como Kenya, Tanzania, Suráfrica, Namibia, Botsuana, Zambia, Zimbabue ou Mozambique son os preferidos polos turistas para ver en vivo grandes animais. Grazas á sú privilexiada situación, dispoñen dun gran número de Reservas Naturais e Parques Nacionais que permiten ao visitante ver elefantes, leóns, xirafas, búfalos africanos, leopardos, guepardos, rinocerontes, cebras, gacelas, antílopes, flamengos e un incríbel número de animais que viven en liberdade, que moita xente só logra coñecer nos zoolóxicos das grandes ciades.

Os safaris en Kenya adoitan facerse en dúas modalidades: unha moi económica, en tendas de campaña e con vehículos de oito persoas e outras máis custosas: en lodges, que son aloxamentos en medio dos Parques con comodidades comparábeis a hoteis de 5 estrelas, e con grandes vehículos todo terreo. Os prezos fluctúan entre os 60 dólares o día e os outros unhas dez veces máis.

Notas[editar | editar a fonte]

  1. safari no Dicionario da RAG.
  2. Robinson, Peter; Lück, Michael & Smith, Stephen (2020): Tourism (2nd ed.). Boston, MA: CABI. ISBN 978-1-7892-4151-8, p. 9.
  3. Online Etymology Dictionary

Véxase tamén[editar | editar a fonte]