Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.
A síndrome complexa de dor rexional (SDRC o, CRPS polas súas siglas en inglés), tamén coñecida coma distrofia simpática reflexa[1], , é unha doenza crónica, progresiva, caracterizada por unha dor intensa, hinchazón e outros cambios na pel, e asociada a disfunción vasomotora. A dor non é proporcional á causa que aparentemente a orixina.[2]
A síndrome complexa de dor rexional (SCDR) recoñeceuse coma entidade médica dende a metade do século XIX, cando recibía a denominación de causalxia. A causalxia definía a dor intensa e queimante nunha extremidade após de sufrir unha lesión. Dende entón, a SCDR sufriu unha serie de cambios de nome.
Coa fin de facilitar o seu diagnóstico diferencial con outros tipos de dor crónica, a SCDR clasificouse en dúas formas. Así, en 1994, a Asociación Internacional para o Estudo da Dor (International Association for the Study of Pain, IASP) propuxo a subdivisión por tipos da SCDR, de acordo coa presenza ou non de lesión nerviosa:[3]
A SCDR tipo 1 ou Atrofia de Sudeck é un trastorno neurolóxico crónico que acontece case sempre nos brazos ou nas pernas após dunha lesión menor. Non existe dano no nervio. Outras denominacións son distrofia neurovascular reflexa, ou algoneurodistrofia.
A SCDR tipo 2, anteriormente coñecida coma causalxia, é causada por unha lesión do nervio.
