Hiperostose cortical infantil
 | Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico. |
A hiperostose cortical infantil, tamén coñecida como enfermidade de Caffey ou síndrome de Caffey-Silverman é unha displasia ósea do grupo das hiperostoses. Caracterízase por un crecemento exacerbado das corticales dos ósos longos en forma de reacción perióstica, de causa non filiada.[1] Foi descrita en 1930 por Roske e posteriormente caracterizada por Caffey e Silverman en 1945.[2]
Epidemioloxía[editar | editar a fonte]
Esta síndrome ten unha prevalencia baixa, afectando aproximadamente a 48/100000 nados vivos.[2] Afecta por igual a doentes de ambos os sexos de até tres anos de idade.[3]
Clínica[editar | editar a fonte]
Esta enfermidade afecta preferentemente aos ósos longos, afectando a diáfise dos mesmos e respectando metáfise e epífise. O cadro clínico cursa habitualmente coa aparición de dor de inicio brusco asociado a tumoración palpable na zona do óso afectado, non relacionado con traumatismos ou sobreesforzos previos. Os doentes poden presentar febre e alteracións analíticas inespecíficas.[2][3]
Diagnóstico[editar | editar a fonte]
O diagnóstico realízase mediante a historia clínica e un estudo de radioloxía convencional.[1][2][3]
Evolución[editar | editar a fonte]
Na maior parte dos casos a hiperostose cortical infantil resólvese espontaneamente, non precisando tratamento médico ou cirúrxico, salvo analxesia.[1][2][3]
Notas[editar | editar a fonte]
- ↑ 1,0 1,1 1,2 "Hiperostosis cortical infantil. A propósito de tres casos" 78 (2). abr.-jun. 2006. Consultado o 4 de marzo de 2015.
- ↑ 2,0 2,1 2,2 2,3 2,4 "Descripción del caso presentado en el número anterior: Hiperostosis cortical infantil. Enfermedad de Caffey" (PDF) 108 (4). 2010: 360-362. Consultado o 4 de marzo de 2015.
- ↑ 3,0 3,1 3,2 3,3 "Síndrome de Caffey- Silverman. Presentación de un Caso." (PDF). 2010. Consultado o 4 de marzo de 2015.
 |
Wikimedia Commons ten máis contidos multimedia na categoría: Hiperostose cortical infantil  |
