Real Sporting de Gijón

Sporting de Gijón
Nome	Real Sporting de Gijón, S.A.D.
Alcume(s)	Rojiblancos (Branquivermellos); Sportinguistas
Fundación	1 de xullo de 1905 (118 anos)
Estadio	El Molinón, Xixón, España
Inauguración	1908
Capacidade	25.538
Presidente	Javier Fernández Rodríguez
Adestrador	Rubén Baraja
Liga	Segunda División
2017–18	4.º
Vestimenta	Kappa
Patrocinador	Concello de Xixón
Na rede
http://www.realsporting.com/
Titular Alternativo Terceiro

O Real Sporting de Gijón é un centenario e histórico club de fútbol profesional español da cidade de Xixón, en Asturias. Foi fundado o 1 de xullo de 1905 e xoga na Segunda División Española. Disputa os seus partidos como local no estadio El Molinón, o máis antigo do fútbol español, organiza desde 1962 o Trofeo Vila de Xixón (ata 1992, trofeo Costa Verde) e conta con algo máis de 20.000 abonados e 242 penas.

Os seus máximos logros na categoría foron o subcampionato de Liga en 1979, así como dous subcampionatos de Copa do Rei en 1981 e 1982, e seis participacións na Copa da UEFA, actual UEFA Europa League.

Con 42 tempadas en Primeira División, é o equipo asturiano que máis tempadas disputou na máxima categoría. Ocupa a 15º na clasificación histórica da Primeira División e a 2ª na de Segunda. Ademais, é un dos nove equipos españois que nunca xogaron nunha categoría inferior á Segunda División.

Uniforme

Partido disputado entre o Deportivo da Coruña e o Sporting de Gijón.

• Uniforme titular: camiseta de raias verticais brancas e vermellas, representando as cores da bandeira de Xixón, pantalóns azuis (dise que como homenaxe ao mar) e medias azuis con volta vermella.
• Uniforme visitante: Camiseta vermella, pantalóns vermellos e medias vermellas.
• Terceiro uniforme: Camiseta negra, pantalón negro e medias negras.

Estadio

Artigo principal: Estadio Municipal El Molinón.

O estadio do Sporting de Xixón é o estadio de El Molinón, que data de 1908, sendo o máis antigo do fútbol profesional en España. O seu nome débese a existencia dun antigo gran muíño preto da situación do estadio. A súa capacidade é de 25.885 espectadores e as súas dimensións son de 105 x 68 metros.

O estadio xixonés sufriu varias remodelacións ao longo da súa historia. A primeira prodúcese en 1917. De entre todas elas cabe destacar a que sufriu con motivo da Mundial de España de 1982, durante a cal o estadio acolleu varios partidos do Grupo B, compartido co Estadio Carlos Tartiere de Oviedo. Actualmente estanse levando a cabo obras de ampliación do estadio.

Datos do club

• Tempadas en 1ª: 40
• Tempadas en 2ª: 41
• Tempadas en 2ªB: 0
• Tempadas en 3ª: 0
• Participacións en competicións europeas: 6 (na Copa da UEFA)

Datos en Primeira

• Posto na Clasificación histórica da Primeira división: 15º
• Partidos xogados: 1268
  • Gañados: 424
  • Empatados: 305
  • Perdidos: 539
  • Goles a favor: 1558
  • Goles en contra: 1856
  • Puntos: 1195
• Mellor posto: 2º (1978-79)
• Peor posto: 20º (1997-98)
• Peor puntuación acabada a tempada: 13 puntos (1997-98)
• Maior número de tempadas consecutivas: 21 (1977-78 a 1997-98)
• Maiores goleadas conseguidas:
  • Na casa: Sporting 7-1 Osasuna (1993-94)
  • Fóra: FC Barcelona 0-4 Sporting (1986-87)
• Maiores goleadas encaixadas:
  • Na casa: Sporting 2-7 Atlético de Madrid (1947-48)
  • Fóra: Athletic de Bilbao 9-0 Sporting (1958-59)
• Maior serie de partidos consecutivos gañandos: 7 partidos (xornadas 1ª a 7ª na tempada 1979-80)
• Maior serie de partidos consecutivos sen perder: 14 partidos (x.34ª da 1981-82 a x.13ª da 1982-83)

Datos en Segunda

• Posto na Clasificación histórica da Segunda división: 2º
• Partidos xogados: 1214
  • Gañados: 568
  • Empatados: 277
  • Perdidos: 369
  • Goles a favor: 2129
  • Goles en contra: 1527
  • Puntos: 1575
• Mellor posto: 1º (7 ocasións)
• Peor posto: 13º (3 ocasións)
• Maior número de tempadas consecutivas: 13 (1928-29 a 1943-44)

Xogadores

Categoría principal: Xogadores do Sporting de Gijón.

Cadro actual

Datos do 12 de agosto de 2013.

Nº Posto País Xogador 1 POR Iván Cuéllar 2 DEF Luis Hernández 4 MED Mandi 5 DEF Bernardo Espinosa 6 MED Sergio Álvarez 7 MED Javier Casquero 8 MED Álex Barrera 9 DIA Miguel Guerrero 10 MED Nacho Cases 11 MED Alberto Lora 12 DIA Stefan Šćepović (cedido polo Partizan) 14 DEF Iván Hernández

Nº Posto País Xogador 15 DEF Roberto Canella 16 DIA Dejan Lekić (cedido polo Gençlerbirliği) 17 MED Santi Jara 18 MED Isma López 19 MED Carlos Carmona 20 MED Aritz López Garai 21 DIA Hugo Fraile 22 MED Formose Mendy 23 MF Cristian Bustos (cedido polo Celta) 24 DIA Álex Serrano 25 POR Alberto

Xogadores Históricos

Abelardo Fernández Ablanedo Antonio Maceda Cundi Ignacio Churruca Castro Joaquín Alonso Manuel Jiménez Abalo Quini

Palmarés

Torneos rexionais

• Campionato Rexional de Asturias (13): 1917, 1918, 1920, 1921, 1922, 1923, 1924, 1926, 1927, 1930, 1931, 1940.

Torneos nacionais

• Subcampión da Primeira División de España (1): 1978–79.
• Segunda División de España (5): 1943–44, 1950–51, 1956–57, 1969–70, 1976–77.
• Subcampión da Copa do Rei (2): 1981, 1982.

Torneos amigables

Trofeo Ramón de Carranza.

• Trofeo Villa de Gijón (23): 1962, 1963, 1965, 1970, 1972, 1975, 1976, 1977, 1978, 1979, 1984, 1985, 1986, 1988, 1989, 1990, 1991, 1992, 1996, 2001, 2002, 2008, 2014
• Trofeo Ramón Losada (8): 1997, 1998, 1999, 2001, 2004, 2008, 2009, 2010
• Trofeo Emma Cuervo (7): 1957, 1960, 1963, 1967, 1972, 2007, 2012
• Trofeo Principado (5): 1988, 1991, 1993, 1994, 2006
• Trofeo Ibérico (2): 1972, 1979
• Copa Stadium (2): 1979, 1981
• Trofeo Luis Otero (2): 2003, 2008
• Trofeo Amberes (1): 1963
• Trofeo Juan Antonio Samaranch (1): 1979
• Trofeo Ramón de Carranza (1): 1984
• Trofeo do Centenario do Portugalete (1): 2009
• Trofeo Cidade de Vigo (1): 2011

Filial

Artigo principal: Real Sporting de Gijón B.

O filial do Sporting é o Sporting B, fundado en 1967. Actualmente xoga na Segunda División B Española.

Véxase tamén

Ligazóns externas

• Sitio web oficial