Estadio Carlos Tartiere (1932)

Na Galipedia, a Wikipedia en galego.
Saltar ata a navegación Saltar á procura
Estadio Carlos Tartiere
Estadio Carlos Tartiere 01.jpg
Datos
LocalizaciónOviedo, España Flag of Spain.svg
Construción
Inauguración24 de abril de 1932
Demolición2003
ArquitectoIldefonso Sánchez del Río
Estadio
SuperficieCéspede
Dimensións105 x 68
Capacidade22.000 (1932-1982)
23.500 (1982-1998)
16.500 (1998-2003)
PropietarioConcello de Oviedo
LocalíaReal Oviedo
Eventos

O antigo Estadio Carlos Tartiere era un estadio de fútbol da cidade de Oviedo, en España. Nel xogou os seus partidos como local o Real Oviedo entre 1932 e 2000, cando pasou a xogar no novo estadio. Foi derrubado en 2003.

O campo recibía este nome polo primeiro presidente do club, Carlos Tartiere.

Historia[editar | editar a fonte]

Denominado Estadio de Buenavista, por estar situado no barrio do mesmo nome, foi inaugurado o 24 de abril de 1932, cun partido entre as seleccións nacionais de España e Iugoslavia con triunfo de España por 2-1. O primeiro gol do estadio foi marcado por Isidro Lángara, dianteiro do Real Oviedo.

Tiña a particularidade nese tempo de que a tribuna principal estaba cuberta cunha visera de máis de 100 metros de lonxitude sen ningunha columna de apoio diante, a primeira que se construia en España desas características, obra do enxeñeiro Ildefonso Sánchez del Río.

En 1954 foi vendido ao Concello de Oviedo, que é o seu propietario desde entón. En xuño de 1958 o seu nome cambiouse polo do fundador e primeiro presidente do club, Carlos Tartiere.

O 4 de xuño de 1969 inaugurouse a iluminación artificial do campo durante o encontro amigable entre o Real Oviedo e o Real Madrid.

Foi reconstruído con motivo do Mundial de Fútbol España '82, no que foi unha das sedes oficiais, de forma que o seu aforamento pasou de ser de 20.000 persoas a 22.500. O partido de inauguración logo das obras enfrontou ao Real Oviedo coa selección nacional de Chile.

En 1998 con motivo de cumprir coa normativa da UEFA e mellorar a seguridade nos campos de fútbol engádense butacas a case todo o campo de forma que o aforamento redúcese ata as 13.000 persoas. Este feito fixo que se expuxese a necesidade de construír un novo campo de fútbol para a cidade con capacidade suficiente para todos os afeccionados.

O 20 de maio de 2000 o Real Oviedo xoga o seu último partido no Carlos Tartiere fronte á Real Sociedad e este é derrubado en 2003, unha vez estivo terminado o novo estadio. Nos terreos que ocupaba o estadio e arredores construíuse o Palacio de Congresos de Oviedo, deseñado por Santiago Calatrava.

Partidos internacionais[editar | editar a fonte]

Xogáronse tres partidos da primeira ronda do Mundial de 1982, concretamente do Grupo B.

Chile Flag of Chile.svg 0:1 (0:1) Flag of Austria.svg Austria 18 de xuño de 1982
Asistencia: 22.500 espectadores
Árbitro: Juan Daniel Cardellino (Uruguai)
Schachner 21'
 
Alxeria Flag of Algeria.svg 0:2 (0:0) Flag of Austria.svg Austria 21 de xuño de 1982
Asistencia: 22.000 espectadores
Árbitro: Tony Boskovic (Australia)
Schachner 55'
Krankl 67'
 
Alxeria Flag of Algeria.svg 3:2 (3:0) Flag of Chile.svg Chile 24 de xuño de 1982
Asistencia: 16.000 espectadores
Árbitro: Romulo Méndez Molina (Guatemala)
Assad 7' 31'
Bensaoula 35'
Neira 59' (p)
Letelier 73'
 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]