Mergullón cristado

Freebase	/m/01cy95
ITIS	174491
OTT	92263

Identificadores
Freebase
Freebase	/m/01cy95
ITIS	174491
OTT	92263

Mergullón cristado
	Podiceps cristatus ; Carl von Linné 1758
	Instancia de taxon
	Categoría taxonómica especie
	Taxon superior Podiceps
	Nome curto P. cristatus
Características
	Período de incubación 28 DD
	Tamaño da niñada 3.9
Conservación
	Identificador UICN 22696602
Distribución
	Hábitat Zona húmida
	Área de distribución Hefei; Montañas Nanling; África
Dimensións
	Masa 920 g peso adulto macho ; 830 g peso adulto femia ; 39.5 g peso de nacemento
Clasificación taxonómica
Reino	Animalia
Filo	Chordata
Clase	Aves
Orde	Podicipediformes
Familia	Podicipedidae
Xénero	Podiceps
Especie	P. cristatus
Freebase
Identificadores
Freebase
Freebase	/m/01cy95
ITIS	174491
OTT	92263
Fontes e ligazóns
	Descrito pola fonte Enciclopedia da natureza de Armenia ; Dicionario Enciclopédico Granat "Q87030017 " ;
	Wikidata G:Commons C:Commons

Podiceps cristatus

O mergullón cristado^[1]^[2]^[3] (Podiceps cristatus) é unha especie de ave podicipediforme da familia Podicipedidae, sendo un dos seus membros máis coñecidos. Son aves das zonas húmidas europea e asiáticas moi frecuentes en lagoas e marismas da Península Ibérica.

Descrición

Recoñécese polas súas dúas cristas negras e as súas prominentes golas avermelladas en primavera. As súas partes superiores son de cor marrón escuro; as inferiores, brancas. A súa lonxitude pode variar entre os 46 cm aos 51. Ten unha media de 48 cm. A envergadura varía entre os 85 e os 90 centímetros.

Hábitat

Principalmente lagos e lagoas. En inverno tamén frecuenta as costas. Aínda que non aniña a gran altitude, acada os 1.200 metros nalgunhas rexións. Tampouco rexeita os estanques con vexetación palustre que ofrecen algunhas cidades así como masas de auga de orixe antropolóxica como encoros ou lagos artificiais.

Distribución en Galicia

En Galicia pode verse ao longo de todo o ano, como invernante regular, en paso e como reprodutor consolidado na provincia de Ourense (Penas-Patiño, Pedreira & Silvar). Na actualidade atópase en expansión (González & Villarino, 1995; X. Vázquez, com. pers.). En Galicia estímase unha poboación de 20-30 parellas (Fernández-Cordeiro & Domínguez, 1991), a nivel galego a maior poboación desta especie atópase asentada nas areeiras do concello limiao de Sandiás con 23 parellas censadas (2010).

Fóra deste concello confirmouse a súa reprodución no encoro da Fervenza en Mazaricos (1 p), encoro das Forcadas no concello de Valdoviño (aprox. 3 pp), lagoa de Sobrado dos Monxes no concello homónimo (1 p), areeiras de Riocaldo-Pedroso Begonte (3 pp), San Martiño (A Rúa) e Verín/Oímbra.

Alimentación

Pequenos peixes, crustáceos e insectos que captura mergullándose na auga.

Comportamento

A súa parada nupcial resulta moi rechamante. As aves contonéanse mentres nadan, sacoden a cabeza, erguen os seus moños e as súas golas e, en fase final, xúntanse peito con peito sostendo no peteiro plantas acuáticas que arrincaron do fondo.

Reprodución

Constrúen o niño entre a vexetación ribeirega. Despois, as postas desta ave poden comezar en marzo e ultímalas na primeira quincena de setembro. Os pequenos mergullóns ruben ao dorso dos seus pais, agochándose baixo as plumas das súas ás.

Ameazas

Os exemplares que aniñan nos encoros teñen postas asincrónicas, debido ás fortes oscilacións do nivel de auga; que danan un bo número de niños todos os anos.

Na directiva de aves

Estado de ameaza europeo: S (segura)
Categoría de ameaza en España: Na(non ameazada)
Real Decreto 439/90: II(de interese especial)
Convenio de Berna: II (especies de fauna estritamente protexidas)

Notas

↑ Conde Teira, Miguel Ángel (1999). Nomes galegos para as aves ibéricas: lista completa e comentada. Chioglossa.
↑ "mergullón cristado". TERGAL. Consultado o 17 de abril de 2024.
↑ Penas Patiño, Xosé M.; Pedreira López, Carlos (2004). Guía das aves de Galicia. Baía Edicións. ISBN 84-96128-69-5.

Véxase tamén

Bibliografía

Hume. Rob. 2002. Guía de campo de las aves de España y Europa. Ediciones Omega ISBN 84-282-1317-8
Ramón Sáez-Royuela. 1980. La guía de Incafo de las Aves de la Península Ibérica. Ed. Incafo ISBN 84-85389-20-4
Fernando Jubete. 2001. "Guía del las aves de la Montaña Palentina".Editorial Cálamo ISBN 84-95018-29-2
Gema Nieto. 2005. "Observar las aves". Editorial Tikal.
Xosé Manuel Penas Patiño & Carlos Pedreira López & Calros Silvar (2005), Baía Edicións. Guía das aves de Galicia, 326. ISBN 84-87674-06-2.

[1] Conde Teira, Miguel Ángel (1999). Nomes galegos para as aves ibéricas: lista completa e comentada. Chioglossa.

[2] "mergullón cristado". TERGAL. Consultado o 17 de abril de 2024.

[3] Penas Patiño, Xosé M.; Pedreira López, Carlos (2004). Guía das aves de Galicia. Baía Edicións. ISBN 84-96128-69-5.

[1]

[2]

[3]