Plaza de España de Madrid

Para outras páxinas con títulos homónimos véxase: Praza de España.

Vista da praza coa Torre de Madrid á esquerda, o monumento a Miguel de Cervantes no centro e o Edificio España á dereita.

A Plaza de España é un amplo espazo axardinado no centro histórico da cidade de Madrid, no barrio de Argüelles do distrito Moncloa-Aravaca, en cuxo centro atópase unha fonte monumental dedicada a Miguel de Cervantes. Fai de eixe continuador unindo a Gran Vía coa rúa da Princesa. Ata pouco antes da construción da Gran Vía esta praza denominábase Plaza de San Marcial. Destacan, pola súa altura, dous edificios de formigón, a Torre de Madrid (1957) e o Edificio España (1953), ademais dun exponente do modernismo madrileño: a Casa Gallardo e o Edificio da Compañía Asturiana de Minas, sede da Consellería de Cultura. Desta praza saen as rúas da Gran Vía, Princesa e a Cuesta de San Vicente. Atópase tamén xunto á rúa de Bailén, o que a sitúa xunto ao Palacio Real de Madrid. Con 36.900 metros cadrados é unha das maiores prazas de España. É bastante usual atoparse nesta praza grupos de turistas de todas as nacionalidades en calquera época do ano.