O Paseo de Recoletos é un paseo da cidade de Madrid que forma parte do eixe central da cidade que continua cara ao norte como Paseo de la Castellana e cara ao sur como Paseo del Prado. Ten pouco máis de 500 metros de lonxitude e une a praza de Cibeles coa plaza de Colón.
É o xardín público ou alameda máis antigo da cidade. Coas modas pasou a chamarse bulevar e é un dos principais. Debe o seu nome a un convento de frades recolectos que había no seu trazado.
