O Palacio de Liria é un gran pazo urbano español do século XVIII, residencia da Casa de Alba en Madrid, e principal sede da súa colección de arte e arquivo histórico, ambos os dous de incalculable valor. Sitúase nos números 20-22 da actual rúa da Princesa, nunha zona antano coñecida como «barrio de los Afligidos». Del cóntase que é o domicilio particular máis grande de Madrid (200 estanzas en 3.500 m²) e que os seus amplos xardíns son os únicos de propiedade privada que figuran destacados en moitos planos da cidade.
Foi recoñecido xa na súa época como a mellor mansión da aristocracia madrileña, só superado polo Palacio Real.
_02.jpg)
