Calle Mayor de Madrid

Na Galipedia, a Wikipedia en galego.
Calle Mayor de Madrid.
Cubertas da Casa de la Villa.
Vista da Calle Mayor.

A Calle Mayor é unha rúa de Madrid, unha vía principal das que desemboca na Puerta del Sol e a que foi oficial Casa de la Villa (casa do Concello de Madrid). Non toda a extensión actual foi chamada Calle Mayor. A historia da rúa vai unida á historia de Madrid, non habendo recepción real que non pasara por esta rúa a través da Puerta del Sol.[1]

Historia[editar | editar a fonte]

A rúa era coñecida no século XVII por comezar dende a Puerta del Sol no edificio do mosteiro de San Felipe el Real que posuía a súa fachada directamente sobre a calle Esparteros, as lonxas eran chamadas o «mentidero». Debaixo da lonxa atopábanse unhas «covachuelas», lugar de venda de diversos mercados pequenos. En fronte colocáronse as mancebías chamadas «soleras». Preto de alí está o lugar no que Juan de Tassis y Peralta, segundo Conde de Villamediana e Correo maior de España, foi asasinado o 21 de agosto de 1622 ás oito da noite.

Xa no século XIX derrubouse o Convento para ser construído no mesmo lugar a Casa Cordero e nela o Gran Bazar de la Unión e o Café Lisboa. A finais do XIX ábrese a pastelería La Mallorquina. O 31 de maio de 1906 Afonso XIII contraía matrimonio con Vitoria Uxía de Battenberg. Cando a comitiva se dispoñía a saír de calle Mayor, o anarquista Mateo Morral, dende o número 88, guindou unha bomba camuflada nun ramo de flores. A parella real resulta ilesa mais a explosión provocou un masacre arredor da carroza.

Carril bici[editar | editar a fonte]

O concello de Madrid inaugurou o eixo ciclista Mayor - Alcalá o cal atravesa a Calle Mayor na súa totalidade. O sentido de subida é compartido coa circulación, mentres que o sentido de baixada dispón dun carril bici propio segregado, o que obrigou os coches a reducir o espazo que lles pertencía de dous carrís a un carril a 30 Km/h compartido con bicicletas.

Edificios salientables[editar | editar a fonte]

Notas[editar | editar a fonte]

  1. Pedro de Répide, Las calles de Madrid, Ed. La Librería, 1995, pp. 125–126.