O Voivodato da Pequena Polonia (en polaco: Małopolska, pronunciese: "mauopolska") é unha das 16 provincias (voivodatos) que conforman a República de Polonia, segundo a división administrativa do ano 1998.
A Małopolska (Pequena Polonia) sitúase no sueste do actual territorio polaco, abranguendo practicamente toda a alta conca do Vístula. A diferenza da maior parte do territorio polaco, a Pequena Polonia presenta importantes altitudes no seu sector meridional (onde fai fronteira con Eslovaquia a través do sector dos Cárpatos chamado montes Beskides); a máxima elevación atópase no Tatra (2499 m).
Fóra da rexión carpática, a maior parte da Pequena Polonia é unha penechaira bastante ondulada e, orixinalmente, recuberta de densos bosques de faias, bidueiros e abetos. Así e todo, gran parte destes bosques foron desmontados para dedicar o territorio á agricultura de cereais (centeo, cebada e trigo, así como ao cultivo da pataca).
No alto medievo o territorio da actual Pequena Polonia estaba englobado no da Chrobatia.
Co fortalecemento do poder polaco, a rexión pasou a ser practicamente o núcleo de poder de Polonia ao ser a principal cidade do reino a cidade de Cracovia.
O sector oriental da actual Pequena Polonia pertenceu até aproximadamente 1920 á rexión de Galitzia, o sector occidental é a Pequena Polonia propiamente dita e alí atópase a antiga capital histórica de Polonia, a cidade de Cracovia (en polaco Kraków).
.jpg?lang=gl)
.svg){kind=small}
Gran Polonia • 
Cuiavia-Pomerania • 
Pequena Polonia • 
Łódź • 
Baixa Silesia • 
Lublin - 
Lubuskie • 
Masovia • 
Opole • 
Podlaquia • 
Pomerania • 
Silesia • 
Subcarpacia • 
Świętokrzyskie • 
Varmia-Masuria • 
Pomerania Occidental
