Medellín

Medellín
Localización
	6°14′41″N 75°34′29″O / 6.244747, -75.574828Coordenadas: 6°14′41″N 75°34′29″O / 6.244747, -75.574828
Estado	Colombia
Departamentos	Antioquia
Capital de	Antioquia
Poboación
Poboación	2.529.403 (2018) (6.643,39 hab./km²)
Xeografía
Superficie	380,74 km²
Altitude	1.495 m
Comparte fronteira con	Bello ; Itagüí (pt) ; Envigado (pt) ; Rionegro (pt) ; Guarne (pt) ; La Estrella (pt) ; Heliconia (pt) ; Angelópolis (pt) ; San Jerónimo (pt) ; Ebéjico (pt) ; Copacabana (pt)
Creación	22 de novembro de 1675
Organización política
Órgano executivo	alcaldía de Medellín
• Alcalde	Federico Gutiérrez (2016–)
Órgano lexislativo	concello de Medellín Circunscrición: 0, (Escano: 20)
Membro de	Rede de cidades creativas (2015–)
Identificador descritivo
Código postal	050001
Fuso horario	UTC−05:00
Outro
Irmandado con	Cali ; Miami ; Milán ; Tacuarembó (pt) ; Maracay (pt) ; Tarapoto (pt) ; Gold Coast (pt) ; Hyderabad ; Barcelona ; Bilbao ; Fort Lauderdale ; Buenos Aires ; Varna ; Rosario (2011–); Santa Fe, Arxentina (2011–); Monterrey (2014–); Río de Xaneiro (2017–)
Sitio web	medellin.gov.co

Para outras páxinas con títulos homónimos véxase: Medellín (homónimos).

Medellín é unha cidade situada ó noroeste de Colombia, no centro do val de Aburrá e á beira do río Medellín. É a capital do departamento de Antioquia. Segundo o censo de 2005, tiña 2 223 078 habitantes, sendo a segunda cidade máis poboada do país. A súa área metropolitana, conformada por outros 9 municipios, ten unha poboación de 3 312 165 habitantes, sendo a segunda aglomeración urbana de Colombia.

É un dos principais centros culturais de Colombia. É sede de importantes festivais de ampla traxectoria e recoñecemento, tanto local, nacional e internacional. Tamén destaca a súa actividade académica e científica, xa que algunhas das universidades colombianas máis importantes teñen a súa sede na cidade.

Toponimia[editar | editar a fonte]

Debe o seu nome a que Pedro Portocarrero y Luna, presidente do consello de Indias de España, solicitou dar o nome da súa vila, Medellín (en Badaxoz), a unha localidade de nova fundación en ultramar. O 22 de novembro de 1674 a raíña rexente Mariana de Austria (en representación do seu fillo, Carlos II de España, menor de idade), outorgou a cédula real que confirmaba a fundación da Villa de Nuestra Señora de la Candelaria de Medellín. A proclamación oficial da fundación realizouna o gobernador Miguel Aguinaga y Mendiogoitia o 2 de novembro de 1675.

Ademais, a raíña outorgou o escudo de armas do Medellín estremeño ó americano, a petición do Cabido da Vila, o 24 de xuño de 1676.

Historia[editar | editar a fonte]

O val de Aburrá xa era percorrido hai 10.500 anos por tribos nómades de cazadores e recolectores. Ó chegaren os conquistadores españois xa había asentada unha poboación nativa numerosa, que opuxo pouca resistencia. Eran aburraes, iamesíes, peques, ebéicos, noriscos e maníes, que posiblemente estaban alí desde o século V a.C. Tiñan grandes cultivos de millo e feixón, criaban curíes e cans mudos, tecían mantas de algodón e comercializaban sal. Coñecían a ourivaría. Baixo o dominio español foron repartidos en encomendas e desprazados das súas terras. A deserción, o maltrato, as enfermidades e o duro traballo intensivo na terra e as minas, decimaron o número de habitantes en poucos anos.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Páxina oficial (en castelán)