Varna

Varna
	Варна (bg)
Epónimo	Iosif Stalin
Localización
	43°12′41″N 27°54′40″L / 43.211375, 27.91108
País	Bulgaria
Provincia	Provincia de Varna
Concello	Varna (en)
Capital de	Varna (en) ; Provincia de Varna
Contén a división administrativa	Asparuhovo (en) ; Center ; Galata (en) ; Gracki Kvartal ; Hristo Botev ; Kaysieva Gradina ; Kokardzha ; Kolhozen pazar ; Levski ; Maksuda ; Mladost ; Pobeda ; Troshevo ; Vazrazdane ; Vladislav Varnenchik (en)
Poboación
Poboación	318.737 (2024) (2.066,55 hab./km²)
Lingua oficial	lingua búlgara
Xeografía
Superficie	154,236 km²
Bañado por	Mar Negro e Lake Varna (en)
Altitude	38 m
Datos históricos
Precedido por	Odessos (en)
Creación	575 a. C.
13 de xullo de 1828	Evento clave
13 de xullo de 1828	Siege of Varna (1828) (en)
Organización política
• Mayor of Varna Municipality (en)	Blagomir Kotsev (2023–)
Identificador descritivo
Código postal	9000–9030 e 9103
Fuso horario	UTC+02:00, horario estándar; UTC+03:00, horario de verán
Prefixo telefónico	052
Outro
Irmandado con	Tashkent ; Medellín ; Memphis ../... 32+
Sitio web	varna.bg

Varna (en búlgaro Варна Varna) é a terceira cidade de Bulgaria, logo da capital Sofía e Plovdiv, con 329.538 habitantes en 2007^[1]. Está situada na parte oriental do país, na rexión de Varna, da cal é a cabeza. É ademais un importante porto sobre o Mar Negro, e está preto do lago Varnesko (é dicir, "de Varna").

Foi rebautizada como Stalin, en honra do ditador soviético, durante un breve período entre 1949 e 1956.

Historia

Arredor do ano 580 a.C., Varna foi fundada polos gregos, que a conformaron como unha colonia comercial (apoikia), co nome de Odessos. Desde un punto de vista arqueolóxico a cidade é coñecida polas necrópoles do Calcolítico, preto das cales se descubriu o máis antigo tesouro de ouro do mundo, denominado o Ouro de Varna.

Memorial da batalla de Varna, 1444, erguido sobre unha antiga tumba tracia

Da cidade romana consérvanse ben as termas (século II d.C.), que constitúen á vez o maior sitio arqueolóxico romano de Bulgaria.

Durante a idade media búlgaros e bizantinos alternaron no control da cidade, até que foi conquistada polo Imperio Otomán no ano 1393.

O 10 de novembro de 1444, nas proximidades da cidade, librouse a batalla de Varna, contra os turcos, que desfixeron un exército de 30.000 cruzados, dirixidos polo rei Ladislau III de Polonia. Os soldados cristiáns estaban no porto á espera de seren embarcados en naves que os haberían de levar a Constantinopla, mais víronse atacados por un exército superior, formado por 120.000 otománs, baixo o mando do sultán Murad II.

Ladislau III foi morto mentres intentaba, cun xesto valoroso, capturar o sultán, obtendo así o apelativo de Warneńczyk. A conseguinte retirada do exército dos cruzados comportou a inevitábel caída de Costantinopla en mans turcas poucos anos despois.

No ano 1829 a cidade foi asediada e conquistada polo exército imperial ruso durante o prolongado asedio de Varna.

En 1962, foi sede das décimo quintas Olimpíadas mundiais de xadrez, mentres en 1969 organizou os campionatos mundiais de ximnasia rítmica.

Economía

Varna é un importante centro económico de Bulgaria e do Mar Negro en xeral. As actividades produtivas máis importantes están en relación co comercio, os trasportes (a cidade está dotada dun importante porto sobre o Mar Negro e un aeroporto internacional), a industria naval e manufactureira. Xunto coa veciña cidade de Devnya, Varna forma o distrito industrial denominado Complexo Industrial Varna-Devnya, sede dalgúns dos maiores estabelecementos químicos, electrónicos e manufactureiros de Bulgaria.

O turismo é, outramente, fundamental para a economía da provincia e da cidade. Son importantes os resorts turísticos de Albena (Албена), Sabbia Dorata (en búlgaro Златни пясъци, Zlatni pyasatsi) , SS. Constantino e Helena (Константин и Елена), Riviera e moitos outros, que atraen moitos turistas do estranxeiro.

En setembro de 2004, a revista FDI declarou Varna como "cidade de Europa sudoriental do futuro", pola súa posición estratéxica, o seu crecemento económico, o rico patrimonio histórico-artístico e pola alta calidade de formación e de instrución da súa poboación.

Lugares de interese

É a cidade é o maior centro búlgaro no Mar Negro e base da mariña do país, polo que con frecuencia é mostrada como a capital ora costeira, ora estival, de Bulgaria. Hoxe é sede dun museo naval, no que está exposto a nave-museo montada no torpedeiro Drazki.

O seu museo arqueolóxico conserva restos relativos á cultura material e á vida dos pescadores, dos campesiños e dos cidadáns de fins do século XIX e inicio do XX.

Outros importantes lugares de interese de Varna son: a catedral da Virxe, o delfinario, o xardín marítimo (obra do checo Anton Novák), as termas romanas, o mosteiro medieval rupestre dr Aladzha, a necrópole di Varna, o observatorio astronómico e o planetario.

Como curiosidade, a ponte Asparuhov, de 2 km de lonxitude, é moi coñecido por ser utilizado para a práctica do bungee jumping.