Maurice Sendak

Maurice Sendak
Nome completo	Maurice Bernard Sendak
Nacemento	10 de xuño de 1928
Lugar de nacemento	Brooklyn e Nova York
Falecemento	8 de maio de 2012
Lugar de falecemento	Danbury Hospital
Causa	infarto agudo de miocardio
Nacionalidade	Estados Unidos de América
Relixión	ateísmo
Alma máter	Art Students League of New York e Lafayette High School
Ocupación	deseñador gráfico, debuxante de banda deseñada, escritor, ilustrador, artista, pintor, escritor de literatura infantil, guionista e realizador
Pai	Philip Sendak
Irmáns	Jack Sendak
Coñecido por	Onde viven os monstros e In the Night Kitchen
Premios	Premio Memorial Astrid Lindgren, National Medal of Arts, Hans Christian Andersen Award for illustration, Library of Congress Living Legend, Children's Literature Legacy Award, Medalha Caldecott e honorary Royal Designer for Industry
Na rede
http://www.barclayagency.com/sendak.html
[ editar datos en Wikidata ]

Maurice Sendak, nado en Brooklyn (Nova York) o 10 de xuño de 1928 e finado en Danbury (Connecticut) o 8 de maio de 2012 foi un escritor e ilustrador de libros para nenos estadounidense. Foi mundialmente coñecido polo libro Onde viven os monstros, publicado en 1963.

Traxectoria

Inicios

Naceu en Brooklyn de pais xudeus polacos emigrados aos Estados Unidos e decidiu facerse ilustrador impulsado pola visión da película Fantasía, de Walt Disney, cando tiña 12 anos. O seu amor pola lectura desenvolveuse moi pronto porque unha enfermidade o mantivo moito tempo na cama, deixándolle a lectura como único entretemento. O seu primeiro traballo foi crear imaxes para os escaparates de FAO Schwarz, unha tenda de bonecos de Nova York. Ao longo dos anos cincuenta ilustrou libros que outros autores escribían, especialmente a serie O osiño, de Else Homelund Minarik, para converterse posteriormente no autor dos seus propios textos.

Obra

Maurice Sendak gañou sona como ilustrador trala publicación do libro Where the Wild Things Are (1963), publicado en galego baixo o título Onde viven os monstros. Aínda que a moitos pais os desgustou o aspecto monstruoso dos personaxes^{[Cómpre referencia]}, foi un libro adorado polos nenos e nenas de fala inglesa. Sendak semella sentir unha atracción polo lado prohibido e aterrador das fantasías infantís que o converteu no pasado no centro da controversia.

Leva innumerables reedicións ata converterse nun dos clásicos do século XX.

Lista de libros da súa autoría no texto

• Kenny's Window (1956)
• Very Far Away (1957)
• The Sign on Rosie's Door (1960)
• The Nutshell Library (1962)
  • Os caimáns van de paseo (Alligators All Around)
  • Sopa de polo con arroz (Chicken Soup with Rice)
  • O un era Xoán (One Was Johnny)
  • Miguel. Conto exemplar en cinco capítulos e un prólogo (Pierre)
• Onde viven os monstros (Where the Wild Things Are, 1963)
• Let's Be Enemies (canda Janice May Udry) (1965)
• Higglety Pigglety Pop! or There Must Be More to Life (1967)
• In the Night Kitchen (1970)
• Fantasy Sketches (1970)
• Ten Little Rabbits: A Counting Book with Mino the Magician (1970)
• Some Swell Pup or Are You Sure You Want a Dog? (canda Matthew Margolis) (1976)
• Seven Little Monsters (1977)
• Outside Over There (1981)
• Caldecott and Co: Notes on Books and Pictures (antoloxía de artigos sobre literatura infantil) (1988)
• The Big Book for Peace (1990)
• We Are All in the Dumps with Jack and Guy (1993)
• Maurice Sendak's Christmas Mystery (1995) (caixa de libro máis crebacabezas)
• Bumble-Ardy (2011)
• My Brother's Book (2013)