Manuel Santos León

Na Galipedia, a Wikipedia en galego.
Saltar ata a navegación Saltar á procura
Ferrón
Información persoal
Nome Manuel Santos León
Nacemento 15 de novembro de 1912
Lugar de nacemento Santiago de Compostela
Posición Defensa
Carreira sénior
Anos Equipos Aprs (Gls)
1929–1930 Compostela
1930–1931 Español
1931–1932 Compostela
1932–1934 Deportivo da Coruña
1934–1935 Lugo Sporting
1936 Español
1940–1942 Arousa
1942 Celta de Vigo
1942–1943 Pontevedra
1943–1947 Club Santiago
1947–1949 Arousa
Partidos e goles só en liga doméstica.

editar datos en Wikidata ]

Manuel Santos León, máis coñecido como Ferrón, nado en Santiago de Compostela o 15 de novembro de 1912, foi un futbolista galego, que xogaba de defensa.

Traxectoria[editar | editar a fonte]

Comezou xogando no CD Español de Santiago,[1] pasando logo ao Compostela, co que competiu na Serie C do Campionato Galego, e co que logrou o ascenso á Serie B na tempada 1929/30.[2][3] Na seguinte tempada xogou co Español na Serie B e en xullo de 1931 volveu fichar polo Compostela xunto a Portugués.[4][5][6]

No verán de 1932 deu o salto ao profesionalismo, fichando xunto a Porto polo Deportivo da Coruña,[7][8] co que debutou nun derbi amigable contra o Celta de Vigo, en homenaxe ao capitán do Deportivo Fernando Fariña.[9] Debutou na Serie A na terceira xornada, contra o Unión Sporting no Campo de Riazor.[10] Gañou logo a titularidade, conquistando o Campionato de Galicia e disputando 10 partidos de Segunda División, na que marcou un gol contra o Celta de Vigo. Xogou outra tempada máis no club branquiazul, disputando outros dez partidos en Segunda.

En 1934 fichou Lugo Sporting, co que xogou na Serie A e a continuación volveu a Santiago para rematar os seus estudos de Dereito, xogando na cidade compostelá de novo co Español. Despois da guerra civil xogou no Arousa e en xaneiro de 1942 fichou polo Celta de Vigo, despois de que ao equipo vigués se lle lesionasen Varela e Deva.[11] Disputou só un partido oficial co Celta, un derbi contra o Deportivo en Riazor, que rematou con goleada coruñesa por 4 a 0.

No verán de 1942 foi unha das numerosas fichaxes do novo Pontevedra, xunto a O'Donell e Foro entre outros.[12] Logrou co club granate o ascenso á Terceira División e na tempada seguinte volveu a Santiago de Compostela, onde pasou a xogar no Club Santiago, tamén na Terceira División.[13] Permaneceu varias tempadas no equipo santiagués, onde exerceu de capitán.[14] O 1 de xuño de 1947 xogouse na súa honra un partido no antigo campo de Santa Isabel entre o Club Santiago e o Celta de Vigo, que acabou cunha goleada céltica por 9-2, con tripletes de Pahiño e Juanín.[15]

En outubro de 1947 volveu ao Arousa, co que xogou dúas tempadas na Terceira División, as primeiras do club nesa categoría, e logrou ascender a Segunda. Colgou as botas en 1949 e retornou á súa profesión de funcionario de prisións, sendo destinado á Prisión Provincial da Coruña.[16]

Notas[editar | editar a fonte]

  1. "Los deportes infantiles". El Pueblo Gallego (en castelán). 21 de febreiro de 1928. p. 12. Consultado o 9 de abril de 2021. 
  2. "En Santiago". El Pueblo Gallego (en castelán). 2 de xullo de 1929. p. 8. Consultado o 9 de abril de 2021. 
  3. "El Compostela gana el Campeonato del grupo al vencer al Noya por 1 a 0". El Eco de Santiago (en castelán). 10 de febreiro de 1930. p. 2. Consultado o 9 de abril de 2021. 
  4. "Deportes". El Compostelano (en castelán). 5 de marzo de 1931. p. 2. Consultado o 9 de abril de 2021. 
  5. "Los clubs de la B". El Pueblo Gallego (en castelán). 21 de xaneiro de 1931. p. 3. Consultado o 9 de abril de 2021. 
  6. "Ficheo en el Compostela". El Compostelano (en castelán). 9 de xullo de 1931. p. 2. Consultado o 9 de abril de 2021. 
  7. "Ante el homenaje a Fariña". El Ideal Gallego (en castelán). 7 de xullo de 1932. p. 5. Consultado o 9 de abril de 2021. 
  8. "Porto y Ferrón abrazan el profesionalismo". El Compostelano (en castelán). 15 de xullo de 1932. p. 1. Consultado o 9 de abril de 2021. 
  9. "El Deportivo venció al Celta por tres tantos a uno". El Ideal Gallego (en castelán). 12 de xullo de 1932. p. 5. Consultado o 9 de abril de 2021. 
  10. "La sorpresa de Riazor". El Pueblo Gallego (en castelán). 4 de outubro de 1932. p. 7. Consultado o 9 de abril de 2021. 
  11. "Deportivo-Celta, esta tarde en Riazor". El Ideal Gallego (en castelán). 25 de xaneiro de 1942. p. 5. Consultado o 9 de abril de 2021. 
  12. "Los deportes". El Pueblo Gallego (en castelán). 12 de xullo de 1942. p. 6. Consultado o 9 de abril de 2021. 
  13. "Tras un partido incoloro, el Santiago sólo consiguió el empate a 1 con el Pontevedra". El Correo Gallego (en castelán). 9 de novembro de 1943. p. 4. Consultado o 9 de abril de 2021. 
  14. "Mañana en Santa Isabel, Club Santiago - Arenal". La Noche (en castelán). 13 de abril de 1946. p. 5. Consultado o 9 de abril de 2021. 
  15. "En partido homenaje a Ferrón, el Celta aplasta al Santiago por nueve goles a dos". La Noche (en castelán). 2 de xullo de 1947. p. 3. Consultado o 9 de abril de 2021. 
  16. "Destino en el Cuerpo de Prisiones". El Correo Gallego (en castelán). 2 de novembro de 1949. p. 2. Consultado o 9 de abril de 2021. 

Véxase tamén[editar | editar a fonte]

Ligazóns externas[editar | editar a fonte]