Loa loa

	Nome taxon Loa loa
	Nome curto L. loa (mul)

Loa loa
	Nome taxon Loa loa
	Nome curto L. loa (mul)
	Instancia de taxon
	Categoría taxonómica especie
Clasificación taxonómica
Superreino	Holozoa
Reino	Animalia
Filo	Nematoda
Clase	Secernentea
Orde	Spirurida
Familia	Onchocercidae
Xénero	Loa
Especie	Loa loa ;
Freebase
Fontes e ligazóns
Freebase
Freebase	/m/0642vg6
CIE-11	601734676
OpenAlex	C2776031002
UNII	985G5L5M6P
OTT	555803
EOL	2924222
	URL de xenoma secuenciado metazoa.ensembl.org…
	Wikidata C:Commons

Para outras páxinas con títulos homónimos véxase: Loa.

Loa loa é unha especie de verme nematodo, filiforme, parasito da África central e occidental,^[1] Habita principalmente nos bosques tropicais da África occidental, e ten a súa orixe en Etiopía.^[2]

A súa presenza no tecido celular subcutáneo nos humanos determina unha filariose (chamada tamén loíase, folariose loa loa e edema de Calabar) da pel e do ollo, transmitida a través das femias das moscas coñecidas como tabáns, do xénero Chrysops.^[3]

Taxonomía

Descrición

A especie foi descrita en 1864 polo médico e parasitólogo británico Thomas Spencer Cobbold,^[4]

Sinónimo

Ademais de polo nome actualmente válido, coñeveuuse tgamén polo sinónimo:^[4]

Filaria loa Cobbold, 1864 (protónimo)

Nota taxonómica

Na actualidade, algúns autores sitúan o xénero Loa, na clase Chromadorea, orde Rhabditida e familia Onchocercidae.^[5]

Distribución xeográfica e importancia

Estritamente limitada a unha gran franxa de territorio africano ao redor do golfo de Guinea, é unha filariase menor, debido ao seu baixo grao de patoxenicidade, a excepción dalgúns casos moi raros.

Morfoloxía

Son pequenos vermes brancos, opalinos, coa cutícula grosa. Os femininos poden medir entre 4 e 7 cm de longo e 0,5 mm de diámetro, mentres que os machos son considerabelmente menores (de 10 a 15 mm × 0,4 mm).^[1]

Ciclo de vida

Os adultos, moi móbiles, viven, frecuentemente máis de 20 anos, no tecido celular subcutáneo do home, movéndose sen cesar á velocidade de 1 cm/min. Teñen unha especial predilección polos ollos.

O ciclo evolutivo de Loa loa ten dous hóspedes: os humanos, que son o hóspede definitivo, e un tabán, as femias de Chrysops, que son hematófagas e pican nas horas de calor, son os vectores.^[6]

As filarias femininas xestantes emiten microfilarias de 300 micrómetros ao tecido celular, desde onde pasan á linfa e despois ao sangue; na periodcidade diúrna, están no sangue periférico a mediados do día, de aí o seu nome microfilaria diúrna. Son extraídos de alí por unha femia de Chrysops cando zuga o sangue, pasan á súa cavidade xeral e, converténdose en larvas infestantes, acumúlanse na probóscide, e escapan durante a seguinte picada, penetrando activamente polos tegumentos do novo suxeito e chegando ao tecido celular subcutáneo onde alcanzan o estadio adulto en 3 meses ou máis.

As microfilarias teñen, pois, unha periodicidade diúrna e están revestidas por unha vaíña o cutícula. Durante o día están circulando no sangue e de noite, durante a osúa fase non circulatoria, encóntranse nos pulmóns. Cando a mosca, que ten o hábito de picar de día, chucha o sangue dun hóspede infestado, pode inxerir a microfilaria, perdendo esta a súa envoltura e migrando do aparato dixestivo aos músculos torácicos do artrópodo. É alí onde as microfilarias se desenvolven en larvas, que migran á probóscide preparándose para infestar a un hospedador susceptíbel.

Loa loa tamén pode encontrarse nos ollos, causando opacidade corneal e incluso cegueira.

Notas

1 2 Gerald D. Schmidt & Larry S. Roberts (2009): Foundations of Parasitology. 8th ed. New York, NY: McGraw Hill. ISBN 978-0-0730-2827-9.
↑ Thomson, M. C.; Obsomer, V.; Dunne, M.; Connor, S. J.; Molyneux, D. H. (2000). "Satellite mapping of Loa loa prevalence in relation to ivermectin use in west and central Africa". The Lancet 356 (9235): 1077–1078.
↑ Metzger, Wolfram Gottfried; Mordmüller, Benjamin (abril de 2014). "Loa loa—does it deserve to be neglected?". The Lancet Infectious Diseases (en inglés) 14 (4): 353–3575.
1 2 Loa loa (Cobbold, 1864) en IRMING.
↑ Ferris, H. (2008): THE "NEMATODE-PLANT EXPERT INFORMATION SYSTEM", A Virtual Encyclopedia on Soil and Plant Nematodes. Comparison of Morphology- and DNA-based Classifications. Department of Nematology, University of California.
↑ Prevention, CDC – Centers for Disease Control and. "CDC – Loiasis – Biology". www.cdc.gov. Consultado o 21 de fenbreiro de 2021.

Véxase tamén

Bibliografía

Remane, A., Storch, V. e Welsch, U. (1980): Zoología sistemática. Clasificación del reino animal. Barcelona: Ediciones Omega. ISBN 84-282-0608-2, pp. 15, 117 e 301.
Romero-Mayén, A. R. & León-Règagnon, V. (2016}: "A new species of Foleyellides (Nematoda: Onchocercidae) parasite of Lithobates spp. (Amphibia: Ranidae) from Mexico with a key for the species of the genus". Zootaxa 4071 (3): 581–586.

Outros artigos

Nematodos

Ligazóns externas

Loa loa (Cobbold 1864) na EOL.

[FoP-1] 1 2 Gerald D. Schmidt & Larry S. Roberts (2009): Foundations of Parasitology. 8th ed. New York, NY: McGraw Hill. ISBN 978-0-0730-2827-9.

[2] Thomson, M. C.; Obsomer, V.; Dunne, M.; Connor, S. J.; Molyneux, D. H. (2000). "Satellite mapping of Loa loa prevalence in relation to ivermectin use in west and central Africa". The Lancet 356 (9235): 1077–1078.

[3] Metzger, Wolfram Gottfried; Mordmüller, Benjamin (abril de 2014). "Loa loa—does it deserve to be neglected?". The Lancet Infectious Diseases (en inglés) 14 (4): 353–3575.

[C-4] 1 2 Loa loa (Cobbold, 1864) en IRMING.

[5] Ferris, H. (2008): THE "NEMATODE-PLANT EXPERT INFORMATION SYSTEM", A Virtual Encyclopedia on Soil and Plant Nematodes. Comparison of Morphology- and DNA-based Classifications. Department of Nematology, University of California.

[6] Prevention, CDC – Centers for Disease Control and. "CDC – Loiasis – Biology". www.cdc.gov. Consultado o 21 de fenbreiro de 2021.

[1]

[2]

[3]

[4]

[5]

[6]