Llywelyn Fardd I

Na Galipedia, a Wikipedia en galego.
Saltar ata a navegación Saltar á procura
Llywelyn Fardd I
Nacemento1125
 Gales
Falecemento1200
NacionalidadeGales
Ocupaciónpoeta
editar datos en Wikidata ]

Llywelyn Fardd I, nado arredor do 1125 e finado no 1200, foi un poeta cortesán galés. Chámano así debido a outro bardo homónimo do século XIII, ao que para o distinguir do noso lle chaman Llywelyn Fardd II.

Traxectoria[editar | editar a fonte]

Non se sabe moito sobre el. Escribiu un poema ao abade Morfran, de Tywyn, que morreu en 1147, así podemos saber en que época viviu. Compuxo dous poemas onde mostraba o seu amor polo Cantref de Meirionnydd, cousa que mostraría que proviña de alí. Crese que o nome de seu pai era Cywryd. Escribiu elexías aos príncipes do Reino de Powys e aos do Reino de Gwynedd. Podemos atopar cinco pezas súas nos manuscritos antigos. Unha delas é 'Canu Cadfan', unha loanza a San Cadfan e hai tamén un poema sobre o Xuízo Final. Existen tres poemas a protectores seculares, é dicir, dadolwch a Owain Fychan (m. 1187), un dos fillos de Madog ap Maredudd de Powys; marwnad a Cedifor ap Genillyn, un nobre de Meirionnydd e un arwyrain a Owain Gwynedd (m. 1170), rei de Gwynedd.

Véxase tamén[editar | editar a fonte]

Bibliografía[editar | editar a fonte]

  • Catherine McKenna (ed.) , 'Gwaith Llywelyn Fardd I', en Kathleen Anne Bramley et al. (ed.), Gwaith Llywelyn Fardd I ac eraill o Feirdd y Ddeuddegfed Ganrif (Gwasg Prifysgol Cymru, Caerdydd, 1994). Esta é a edición estándar da obra de de Llywelyn Fardd, en 'Cyfres Beirdd y Tywysogion'.