Leopoldo II de Bélxica

Na Galipedia, a Wikipedia en galego.
Leopoldo II de Bélxica
Nome completoLéopold Louis-Philippe Marie Victor de Saxe-Cobourg-Gotha
Nacemento9 de abril de 1835
Lugar de nacementoBruxelas
Falecemento17 de decembro de 1909
Lugar de falecementoLaeken
Causahemorraxia cerebral
SoterradoCripta Real (Bélgica)
NacionalidadeBélxica
RelixiónIgrexa católica
Ocupaciónmonarca
PaiLeopoldo I de Bélxica
NaiLuísa Maria d'Orleães
CónxuxeMaria Henriqueta da Áustria e Caroline Lacroix
FillosLouise van België, Leopold van België, Stefanie van België, Clementine van België, Lucien Durrieux e Philippe Henri Marie Francois Delacroix Durieux
IrmánsCarlota de México, Filipe, conde de Flandres, Luís Filipe, Príncipe Herdeiro da Bélgica, Georg von Eppinghoven, Arthur von Eppinghoven e stillborn son von Sachsen-Coburg und Gotha
PremiosGran cruz da Lexión de Honor, Cabaleiro da Orde do Vélaro de Ouro, Orde da Aguia Negra, Knight Grand Cross of the Order of Leopold II (Belgium), Grand Cross of the Order of the Crown, Gran Cruz da Orde de San Olaf, Knight Grand Cross in the Order of the Holy Sepulchre, Knight Grand Cross in the Order of the Netherlands Lion, Grand Cross of the Order of the Southern Cross, Order of Saint Anna, 1st class, Order of the White Eagle, Ordem de Santo Alexandre Nevsky, Orde da Estrela de Romanía, Ordem de Santo André, Ordem da Águia Vermelha, 1.ª classe, Orde Suprema do Crisantemo con colar, Gran Cruz da Orden de Carlos lll, Knight of the Order of the Elephant, Ordem do Crisântemo, Order of Ludwig I, House and Merit Order of Peter Frederick Louis, Ordem de São José, Grand Commander of the Royal House Order of Hohenzollern, Ordem do Medjidie, Order of Osmanieh, Ordem de São Fernando e do Mérito, Banda das Três Ordens, Order of the Crown (Württemberg), Order of Saint Hubert, Ordem da Anunciação, Order of the Rue Crown, Order of the Cross of Takovo, Orde da Xarreteira, Ordem do Elefante Branco, Ordem do Redentor e Order of Saint Stephen of Hungary
Na rede
WikiTree: Sachsen-Coburg_und_Gotha-40 Find a Grave: 5524 Editar o valor em Wikidata
editar datos en Wikidata ]

Leopoldo II, nado en Bruxelas o 9 de abril de 1835 e finado en Laeken o 17 de decembro de 1909, foi o segundo rei dos belgas. Era o segundo fillo do rei Leopoldo I, a quen sucedeu en 1865, permanecendo rei ata a súa morte. Foi irmán da emperatriz Carlota de México e curmán da raíña Vitoria I do Reino Unido.

O réxime da colonia africana de Leopoldo II, o Estado Libre do Congo, tornouse un dos escándalos internacionais máis infames da virada do século XIX. O Informe de Casement, de 1904, escrito polo cónsul británico Roger Casement, levou á cadea e á punición de oficiais brancos que foran responsábeis de matanzas a sangue frío durante unha expedición de recolección de caucho en 1903 (incluíndo un individuo belga de que matase a tiros polo menos 122 congoleses).

O Estado Libre do Congo inclúe unha área enteira hoxe coñecida pola República Democrática do Congo. Amigo de Henry Morton Stanley, o rei pediulle que o axudase a dar entrada á petición do territorio. El administrouno como a súa posesión privada, considerándose un empresario astuto, tendo pasado unha semana en Sevilla a estudar os rexistros españois do seu comercio coas súas colonias de América Latina.

Casamento[editar | editar a fonte]

O día 22 de agosto de 1853, en Bruxelas, Leopoldo II desposou a arquiduquesa María Henriqueta de Austria (1836-1902). Tiveron catro fillos:

Leopoldo II, era tamén pai de dous fillos ilexítimos, Lucien Philippe Marie Antoine (1906-1984) e Philippe Henri Marie François (1907-1914). A nais deles era Blanche Zélia Josephine Delacroix (1883-1914), tamén coñecida como Caroline Delacroix, unha prostituta que casou co rei en decembro de 1909, nunha cerimonia relixiosa sen validez pola lei belga. Houbo outra cerimonia cinco días antes da morte de Leopoldo II, no Castelo Real de Laeken[1]. En 1910, os dous fillos foron adoptados polo segundo esposo de Delacroix, Antoine Durrieux.

Dise que Leopoldo II foi cliente da casa de sadomasoquistas "Rose Cottage", de Mary Jeffries, en Hampstead, un suburbio de Londres[2].

Intento de asasinato[editar | editar a fonte]

O día 15 de novembro de 1902, ao final da cerimonia en memoria da falecida consorte de Leopoldo II, o anarquista italiano Gennaro Rubinno intentou asasinar o rei, que estaba nunha carruaxe. Disparou tres tiros, mais todos errados. Rubinno foi detido inmediatamente.

Reinado[editar | editar a fonte]

Leopoldo II deu énfase á defensa militar como base da neutralidade de Bélxica, pero non foi capaz de obter a lei de conscripción. A pesar de ser impopular, Leopoldo II é lembrado polo pobo belga como "o rei construtor" (Koning-Bouwer en flamengo e le Roi-Bâtisseur en francés), porque fixo construír un gran número de edificios e proxectos públicos, principalmente en Bruxelas, Oostende e Antuerpen.

Entre as construcións están as estufas reais nos terreos do Castelo de Laeken, a Torre xaponesa, o Pavillón chinés, o Museo do Congo en Tervuren (hoxe chamado Museo Real de África Central), o Cinquantenaire e a estación de tren de Antuerpen. Tamén construíu a Villa des Cedres en Saint-Jean-Cap-Ferrat, na Riviera francesa, que é un xardín botánico no presente.

Tales construcións foron todas realizadas con diñeiro procedente do Estado Libre do Congo, que lle fora enregado no Conferencia de Berlín (1884-1885) sobre o repartimento de África.

En 1900, doou a maior parte das súas propiedades á nación belga.

O autor e xornalista estadounidense Adam Hochschild, no seu libro King Leopold's Ghost, escribiu que houbo un "grande esquecemento" despois de que o rei trasladou a posesión da súa colonia a Bélxica. Hochschild recorda que, na súa visita ao Museo Real de África Central na década de 1990, non se mencionaba nada a respecto das atrocidades cometidas no Estado Libre do Congo. Outro exemplo dado por Hochschild é o monumento, en Blankenberge, dun colono a "traer a civilización" a un neno negro aos seus pés, ilustrando máis o "grande esquecemento".

Morte[editar | editar a fonte]

Leopoldo II morreu aos setenta e catro anos de idade, e o seu corpo foi enterrado na cámara mortuaria real, da Igrexa da Nosa Señora, no Cemiterio de Laeken.

Notas[editar | editar a fonte]

  1. "Copia arquivada". Arquivado dende o orixinal o 31 de marzo de 2009. Consultado o 20 de outubro de 2009. 
  2. In London: The Wicked City, Fergus Linnane (Robson Books 2003) pp. 297–8

Ligazóns externas[editar | editar a fonte]

Reis dos Belgas

Segue a:
Leopoldo I de Bélxica
Leopoldo II de Bélxica
Precede a:
Alberte I de Bélxica
Saxonia-Coburgo e Gotha