Henry Morton Stanley

Na Galipedia, a Wikipedia en galego.
Henry Morton Stanley
Henry Morton Stanley
Retrato de H. M. Stanley
Nacemento 28 de xaneiro de 1841
Lugar Denbigh, Gales Gales
Falecemento 10 de maio de 1904 (63 anos)
Lugar Londres, Inglaterra Inglaterra
Ocupación explorador, xornalista

Sir Henry Morton Stanley, nado en Denbigh (Gales) o 28 de xaneiro de 1841 e finado en Londres o 10 de maio de 1904, foi un explorador e periodista galés nacionalizado estadounidense famoso polas súas expedicións na daquela ignota África central, nunha das cales atopou ao desaparecido David Livingstone.

Primeiros anos de vida e o seu traslado a Estados Unidos[editar | editar a fonte]

Stanley naceu en Denbigh, País de Gales, cando a súa nai, Elizabeth Parry, tiña 19 anos. Segundo o seu certificado de nacemento era fillo ilexítimo e o estigma da ilexitimidade supuxo unha pesada carga para el, durante toda a súa vida. Tivo unha infancia chea de maltratos e de loita pola súa existencia, foi criado polo seu avó ata a idade de cinco anos. Cando este morreu, viviu durante un curto período con algúns curmáns e sobriños maternos, pero pouco despois foi enviado a St. Asaph Union Workhouse, institución de acolleita para pobres, onde o hacinamiento e a falta de control daban lugar a frecuentes abusos dos mozos maiores e dos reitores da institución. Cando tiña dez anos, a súa nai e dous irmáns permaneceron durante un tempo nesta institución, sen que Stanley soubesen quen eran. Alí permaneceu ata os quince anos, momento en que foxe da institución e marcha á súa aldea natal. Aquí completa unha educación elemental e colabora como axudante de profesor nunha escola nacional. En 1859, é contratado no porto de Liverpool, no barco Windermeer, con rumbo a Nova Orleans. No barco tamén sofre unha dura travesía, que o leva a saltar a terra en canto avistan Nova Orleans, sen esperar a cobrar os seus xornais pendentes.

En Nova Orleans, tomou o apelido Stanley ao ser adoptado por un comerciante norteamericano, participou na Guerra Civil Americana.

Ao finalizar a guerra, comezou a súa carreira como xornalista, escribindo como correspondente desde o oeste americano. En 1868 acompañou como cronista ás tropas británicas a Abisinia, na expedición que realizaban os ingleses contra o Negus Teodoro II de Etiopía, máis tarde emprendeu expedicións ao Imperio otomán, visitando Grecia, Esmirna, Beirut e Alexandría; tamén é enviado a España, onde presencia a guerra carlista e asiste á caída da raíña Isabel II e aprende un perfecto español..[1]

Notas[editar | editar a fonte]

  1. Morales Padrón, Francisco (1959). Planeta, ed. Henry Morton Stanley, (Forjadores del mundo contemporáneo) (en castelán). 

Véxase tamén[editar | editar a fonte]

Commons
Commons ten máis contidos multimedia sobre: Henry Morton Stanley

Ligazóns externas[editar | editar a fonte]