Lars von Trier

Lars von Trier
Nome completo	Lars Trier
Nacemento	30 de abril de 1956
Lugar de nacemento	Kongens Lyngby
Nacionalidade	Dinamarca
Relixión	ateísmo
Alma máter	National Film School of Denmark
Ocupación	director de cinema, guionista, produtor de cinema, director de fotografía e realizador
Pai	Fritz Michael Hartmann
Cónxuxe	Cæcilia Holbek Trier
Coñecido por	Breaking the Waves, Europa, O Reino, Dancer in the Dark, Dogville e Manderlay
Premios	Cavaleiro da Ordem do Dannebrog, Konrad Wolf Prize, Danish Dramatics' Honorary Award, Allen Award, Prêmio Sonning, Prémio do Cinema Europeu de melhor filme, European Film Academy Critics Award, Prémio do Cinema Europeu de melhor filme, European Film Award - People's Choice Award for Best Director, European Film Academy Achievement in World Cinema Award, Prémio do Cinema Europeu de melhor filme, Statens Kunstfonds hædersydelse, Prêmio do Júri do Festival de Cannes, Grand Prix, Palma de Ouro, César de melhor filme estrangeiro, Premio Goya á mellor película europea, Ordem de Dannebrog e Kjeld Abell Prize
Na rede
[ editar datos en Wikidata ]

Lars von Trier, nado co nome de Lars Trier en Copenhague o 30 de abril de 1956, é un director de cine dinamarqués, un dos creadores do movemento Dogma 95. Salienta sobre todo pola súa forte personalidade creativa e é considerado un dos directores máis innovadores e multidisciplinares do cine actual, a pesar da controversia dalgunhas das súas obras.

Traxectoria

Estudou na escola de cine de Copenhaguen. En 1981 e 1982, aínda como estudante, gañou varios premios no Festival de Cine de Múnic. A súa primeira película foi The Element of Crime (1984), que acadou un premio polo seu logro técnico no Festival de Cine de Cannes. Esta película é a primeira da triloxía europea, continuada por Epidemic (1987) e Europa (1991), unha comedia negra localizada en Alemaña na posguerra da segunda guerra mundial.

Fundou xunto a Thomas Vinterberg o movemento Dogma 95, valorando retomar historias máis cribles na industria do cinema, afastándose dos efectos especiais e facendo un uso técnico mínimo.

Perfil polémico

En 2010, no Festival de Cannes, autoproclamouse o mellor realizador de cinema do momento. Un ano despois, o 19 de maio de 2011, o Festival de Cannes declarou o cineasta persona non grata, coa conseguinte expulsión do festival.

A polémica desatouse tras uns comentarios vertidos por Trier:

"Comprendo a Hitler. Creo que fixo algunhas cousas mal, si absolutamente [...] Non é o que se diría un bo tipo, pero enténdoo bastante e simpatizo un pouco con el [...] Vale, son nazi".

As declaracións fíxoas á mañá e esa mesma tarde emitiu un comunicado público no que pedía desculpas:

"Se ferín a alguén coas miñas palabras esta mañá na rolda de prensa, pido desculpas sinceras [...] Non son antisemita, nin teño prexuízos raciais de ningún tipo, nin son nazi".

Ó día seguinte foi expulsado do festival.

Filmografía

• Ochidégartneren (1977)
• Menthe – la bienheureuse (1979)
• Nocturne (1980 – 1981)
• Den Sidste Detalje (1981)
• Befrielsesbilleder (1982)
• Forbrydelsens Element (1984)
• Epidemic (1988)
• Medea (1988, TV)
• Europa (1991)
• Riget (1994, miniserie de televisión)
• Breaking the Waves (1996; primeira parte da triloxía Golden Heart)
• Riget II (1997; miniserie de televisión)
• Idioterne (1998; segunda parte da triloxía Golden Heart)
• D-dag (2000; televisión)
• D-dag – Lise (2000; televisión)
• Dancer in the Dark (2000; terceira parte da triloxía Golden Heart)
• D-dag – Den færdige film (2001; televisión)
• Dogville (2003; primeira parte da triloxía USA)
• De fem benspænd (segmento "The Perfect Human: Avedøre, Denmark"; 2003)
• Manderlay (2005; segunda parte da triloxía USA)
• Direktøren for det hele (2007)
• Antichrist (2009)
• Wasington (2011; terceira parte da triloxía USA)
• Melancholia (2011)
• Nymphomaniac (2013)