Jostein Gaarder

Na Galipedia, a Wikipedia en galego.
Saltar ata a navegación Saltar á procura
Jostein Gaarder
Jostein Gaarder 2019, 3Sat Interview auf der Frankfurter Buchmesse.jpg
Nacemento8 de agosto de 1952
Lugar de nacementoOslo
NacionalidadeNoruega
Relixióncristianismo
Alma máterUniversidade de Oslo
Ocupaciónescritor, mestre, novelista, filósofo, escritor de literatura infantil e guionista
NaiInger Margrethe Gaarder
IrmánsHelge Gaarder
Coñecido porO Dia do Curinga e O Mundo de Sofia
PremiosComendador da Ordem de Santo Olavo, Prémio Bokhandler, Peer Gynt Literary Award, Prémio de Literatura da Associação de Bibliotecários Escolares da Noruega, Brage Prize honorary award e sen etiquetar
Na rede
IMDB: nm0299907 Allocine: 232861 Allmovie: p309657
Musicbrainz: 9da2ec67-c744-473a-80b4-773e4f55933b Discogs: 1039603 Editar o valor em Wikidata
editar datos en Wikidata ]

Jostein Gaarder, nado o 8 de agosto de 1952 en Oslo, é un escritor noruegués autor de obras pertencentes á literatura infantil e xuvenil[1]. Acadou un grande éxito internacional coa obra Sofies verden (O mundo de Sofía), que vendeu 30 millóns de exemplares e foi traducido a cincuenta e tres idiomas [2] .

Traxectoria[editar | editar a fonte]

Fillo dun director de escola e dunha mestra (asemade escritora de literatura infantil), cursou na Universidade de Oslo os estudos de Filoloxía Escandinava e Historia das Ideas e da Relixión. Ao comezo dos anos 80 trasladouse a Bergen, onde foi profesor de Filosofía nun instituto ata os anos 90, momento no que abandonou a súa actividade docente [1].

Publicou a súa primeira obra, un libro de relatos, en 1986, pero non foi ata 1991 cando publicou Sofies verden. A obra, que xurdira coma unha tentativa de resumir a historia da filosofía e que era considerada polo autor coma un libro para lectores especializados, converteuse nun best-séller e chegou a ser a novela máis vendida do mundo en 1995 [2]. En 1997, en honor ao éxito da novela, creou o Sophie Prize (Premio Sofía) destinado a axudar economicamente calquera tipo de iniciativa relacionada coa preservación do medio ambiente [3].

No tocante ao seu estilo, Jostein Gaarder constrúe as súas obras tentando cuestionar o mundo que o rodea. Acotío emprega a metaficción, desenvolvendo historias dentro doutras historias [4].

Obra[editar | editar a fonte]

  • Diagnosen og andre noveller (O diagnóstico e outras historias), 1986
  • Barna fra Sukhavati (Os nenos de Sukhavati), 1987
  • Froskeslottet (O castelo das ras), 1988
  • Kabalmysteriet (O misterio do solitario), 1990
  • Sofies verden. Roman om filosofiens historie (O mundo de Sofía. Unha novela sobre a historia da filosofía), 1991
  • Julemysteriet (O misterio de Nadal), 1992
  • Bibbi Bokkens magiske bibliotek (A biblioteca máxica de Bibbi Bokkens), 1993
  • I et speil, i en gåte (O enigma no espello), 1993
  • Hallo? Er det noen her? (Ola? Hai alguén aí?), 1996
  • Vita brevis (Vida breve), 1996
  • Maya (Maya), 1996
  • Sirkusdirektørens datter (A filla do director de circo), 2001
  • Appelsinpiken (A rapaza das laranxas), 2003
  • Sjakk Matt (Xaque mate), 2006
  • De gule dvergene (Os ananos amarelos), 2006
  • Slottet i Pyreneene (O castelo nos Pireneos), 2008
  • Det spørs, 2012
  • A Terra de Anna (Anna. En fabel om klodens klima og miljø), 2017[5].
  • Anton og Jonatan, 2014
  • Dukkeføreren, 2016

Premios [6][editar | editar a fonte]

  • Deutscher Jugendliteraturpreis" (1994), pola obra Sofies verden
  • Premio La Vanguardia (1995), pola obra Sofies verden
  • Buxtehude Bulle (1996), pola obra I et speil, i en gåte
  • Premio Arcebispo Xoán de San Clemente (1996), pola obra Sofies verden
  • Willy Brandt Prize (2004)
  • The Royal Norwegian Order of St. Olav (2005)
  • Honorary degree at Trinity College (2005)

Notas[editar | editar a fonte]

  1. 1,0 1,1 Información sobre o autor en www.alohacriticon.com (en castelán)
  2. 2,0 2,1 "Información sobre o autor en www.aschehougagency.no". aschehougagency.no. Arquivado dende o orixinal o 01 de marzo de 2010. Consultado o 23 de xullo de 2009. 
  3. Páxina oficial "The Sophie Foundation" (en inglés)
  4. Ficha sobre o autor en www.goodreads.com (en inglés)
  5. tradución galega a cargo de David A. Álvarez Martínez, publicada en 2017 por Faktoría K de Kalandraka.
  6. "Información en www.aschehougagency.no" (PDF). Arquivado dende o orixinal (PDF) o 10 de setembro de 2011. Consultado o 03 de agosto de 2009.