José Suárez Miramontes
Pepiño | |||
---|---|---|---|
Información persoal | |||
Nome | José Suárez Miramontes | ||
Nacemento | 15 de decembro de 1928 | ||
Lugar de nacemento | A Coruña | ||
Falecemento | 8 de maio de 2003 | ||
Posición | Defensa | ||
Carreira sénior | |||
Anos | Equipos | Aprs | (Gls) |
1944–1945 | Xuvenil | ||
1945–1948 | Deportivo da Coruña | 7 | (0) |
1948–1949 | Real Murcia | 1 | (0) |
1949–1950 | Xuvenil | ||
1950–1953 | Alcoyano | 71 | (0) |
1953–1955 | Celta de Vigo | 0 | (0) |
1953 | → Xuvenil (cedido) | ||
1955–1956 | Xuvenil | ||
Partidos e goles só en liga doméstica. [ editar datos en Wikidata ] | |||
José Suárez Miramontes, coñecido como Pepiño, nado na Coruña o 15 de decembro de 1924 e finado na mesma cidade o 8 de maio de 2003, foi un futbolista galego.
Era irmán do Balón de Ouro Luis Suárez, e de Agustín Suárez, tamén futbolista.
Traxectoria[editar | editar a fonte]
Tras xogar no Xuvenil, en 1945 fichou xunto a Reboredo polo Deportivo da Coruña, que militaba na Segunda División.[1] Debutou nun derbi amigable contra o Celta de Vigo, mentres que o seu primeiro partido oficial xogouno contra o Xerez. O adestrador Hilario aliñouno só oito veces durante esa tempada, na que o equipo coruñés logrou o ascenso á Primeira División. Continuou no Deportivo dúas tempadas máis, pero ao non contar con minutos actuou á súa vez no Xuvenil, formando no medio do campo con Maristany e Longueira.[2]
En 1948 fichou polo Murcia, da Segunda División, co que disputou só un partido, unha derrota por 8-0 contra o Málaga, antes de regresar en setembro de 1949 ao Xuvenil.[3]
Militou unha tempada no equipo de Rodrigo e en agosto de 1950 asinou contrato co Alcoyano, que militaba na Primeira División.[4] Acompañou na defensa a Cata e Sáenz e foi o futbolista que contou con máis minutos esa tempada no equipo de José Espada, disputando 29 partidos. Con todo, non puido evitar o descenso do club á Segunda División. Xogou dúas tempadas máis no club de Alcoi, e disputou a fase de ascenso de 1952, sen éxito.
No verán de 1953 fichou polo Celta de Vigo, no que a competencia de xogadores como Lolín ou Pepe Villar, impediulle debutar en partido oficial, chegando a xogar só un encontro amigable. Xogou cedido algún partido no Xuvenil e en 1955 fichou de novo por este, despois de deixar o equipo vigués.[5] Xogou no equipo branquiazul ata 1956.
Faleceu o 8 de maio de 2003 no Hospital Juan Canalejo da Coruña, aos 78 anos de idade.[6]
Notas[editar | editar a fonte]
- ↑ "Reboredo y Pepiño firmaron ayer". La Voz de Galicia (en castelán). 21 de setembro de 1945. p. 2.
- ↑ "Pepiño jugó en el Juvenil". La Voz de Galicia (en castelán). 16 de maio de 1970. p. 17.
- ↑ "Arsenal-Rayo y D. Juvenil-At. Zamora". La Voz de Galicia (en castelán). 4 de setembro de 1949. p. 7.
- ↑ "Pepiño firmó por el Alcoyano". La Voz de Galicia (en castelán). 22 de agosto de 1950. p. 3.
- ↑ "Pepiño Suárez reaparece en La Coruña en las filas blanquiazules, confiando en el triunfo de su equipo". La Voz de Galicia (en castelán). 29 de decembro de 1955. p. 7.
- ↑ "Luis Suárez asistió alentierro de su hermano Pepiño". La Voz de Galicia (en castelán). 11 de maio de 2003. p. 43.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en BDFutbol (en castelán).