Steve Francis

Steve Francis

(2007)
Biografía
Nacemento	21 de febreiro de 1977 (47 anos) Takoma Park, Estados Unidos de América (pt)
Datos persoais
País de nacionalidade	Estados Unidos de América
Educación	Montgomery Blair High School (en) Allegany College of Maryland (en) Universidade de Maryland
Altura	191 cm
Peso	210 lb
Actividade
Ocupación	baloncestista , narcotraficante
Período de actividade	1999 - 2010
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Base e Escolta
Adestrador	Gary Williams (en) Rick Adelman Jeff Van Gundy (pt) Chris Jent (pt) Isiah Thomas Johnny Davis (en) Larry Brown (pt) Rudy Tomjanovich
Convocado por	Memphis Grizzlies
Traxectoria   Equipo - Beijing Ducks (pt) - Orlando Magic - New York Knicks - Houston Rockets 1997-1998 Allegany Trojans men's basketball (en) 1998-1999 Maryland Terrapins (pt)
Premios (2000)  Rookie do Ano da NBA
Páxina web	bballone.com…

Steven D'Shawn "Steve" Francis, nado o 21 de febreiro de 1977 en Takoma Park, Maryland, é un antigo xogador profesional de baloncesto estadounidense.

Traxectoria profesional

Francis foi seleccionado na 2ª posición do Draft da NBA de 1999 polos Vancouver Grizzlies. Anunciou publicamente que non quería xogar nos Grizzlies debido á distancia entre Vancouver e o seu fogar en Maryland. Tras estes comentarios, as críticas posteriores e un incidente no Aeroporto Internacional de Vancouver, a franquía decidiu traspasar a Francis. Antes do comezo da tempada 1999-00, Francis foi traspasado ós Houston Rockets nun traspaso entre tres equipos, que incluíu a once xogadores. No seu momento foi o traspaso máis grande da historia da NBA. Nesa tempada conseguiu o galardón ó Rookie do Ano da NBA, compartido con Elton Brand. Francis rematou a súa primeira etapa nos Rockets despois de ser traspasado ós Orlando Magic no ano 2004.

O 22 de febreiro de 2006, Francis foi traspasado ós New York Knicks a cambio de Trevor Ariza e Penny Hardaway. Tras dúas tempadas en Nova York, Francis volveu a Houston coma axente libre, asinando un contrato por dúas tempadas e 6 millóns de dólares. O 24 de decembro de 2008, foi traspasado ó equipo que o elixiu no Draft, os Grizzlies, desta volta situados na cidade de Memphis. O 27 de xaneiro de 2009, Francis foi cortado polos Grizzlies, sen chegar a debutar co equipo.

En novembro de 2010, Francis asinou cos Beijing Ducks da Chinese Basketball Association. Acadou 0.5 puntos e 0.7 rebotes por encontro en 4 partidos disputados, antes de deixar China a finais de decembro dese mesmo ano.

Estatísticas

Lenda
PX	Partidos xogados	MPP	Minutos por partido	%TC	Porcentaxe de tiros de campo	%3P	Porcentaxe de tiros de 3
%TL	Porcentaxe de tiros libres	RPP	Rebotes por partido	APP	Asistencias por partido	ROU	Roubos de balón por partido
TPP	Tapóns por partido	PPP	Puntos por partido	Negra	Máximo de carreira

Tempada regular

Ano	Equipo	PX	MPP	%TC	%3P	%TL	RPP	APP	ROU	TPP	PPP
1999–00	Houston	77	36.1	.445	.345	.786	5.3	6.6	1.5	0.4	18.0
2000–01	Houston	80	39.9	.451	.396	.817	6.9	6.5	1.8	0.4	19.9
2001–02	Houston	57	41.1	.417	.324	.773	7.0	6.4	1.2	0.4	21.6
2002–03	Houston	81	41.0	.435	.354	.800	6.2	6.2	1.7	0.5	21.0
2003–04	Houston	79	40.4	.403	.292	.775	5.5	6.2	1.8	0.4	16.6
2004–05	Orlando	78	38.2	.423	.299	.823	5.8	7.0	1.4	0.4	21.3
2005–06	Orlando	46	37.7	.433	.257	.797	4.8	5.7	1.1	0.2	16.2
2005–06	New York	24	27.5	.442	.538	.761	3.0	3.5	1.0	0.3	10.8
2006–07	New York	44	28.1	.408	.378	.829	3.6	3.9	0.9	0.3	11.3
2007–08	Houston	10	19.9	.333	.235	.565	2.3	3.0	0.9	0.5	5.5
Total		576	37.6	.429	.341	.797	5.6	6.0	1.5	0.4	18.1

Playoffs

Ano	Equipo	PX	MPP	%TC	%3P	%TL	RPP	APP	ROU	TPP	PPP
2004	Houston	5	44.4	.429	.412	.725	8.4	7.6	1.4	.2	19.2
Total		5	44.4	.429	.412	.725	8.4	7.6	1.4	.2	19.2

Véxase tamén

Ligazóns externas

• Perfil en NBA.comArquivado 10 de agosto de 2014 en Wayback Machine. (en inglés)
• Estatísticas en Basketball-Reference.com Arquivado 29 de xaneiro de 2009 en Wayback Machine. (en inglés)