Homo rudolfensis

Na Galipedia, a Wikipedia en galego.
Homo rudolfensis
Rango fósil: Plistoceno
Reconstrución da caveira do "KNM ER 1470"
Reconstrución da caveira do "KNM ER 1470"
Estado de conservación
Extinto (fósil)
Clasificación científica
Reino: Animalia
Filo: Chordata
Clase: Mammalia
Orde: Primates
Familia: Hominidae
Xénero: Homo
Especie: H. rudolfensis
Nome binomial
†Pithecanthropus rudolfensis
Alekseyev, 1978[1]

Homo rudolfensis é unha especie fósil do xénero Homo descuberta por Bernard Ngeneo, membro do equipo dirixido por Richard Leakey e Meave Leakey en 1972 en Koobi Fora na beira leste do Lago Turkana, Quenia; o nome científico propúxoo en 1986 V. P. Alexeev.

O KNM ER 1470 coñecido tamén como cranio 1470 é un cranio fósil dun homínido, de corpo voluminoso e robusto e molares de gran tamaño e unha capacidade cranial de 752 cm³, aínda que unha reconstrución realizada en marzo de 2007 polo equipo dirixido por Timothy Bromage reduciu esa capacidade e 526. Atopouno Richard Leakey na beira leste do lago Turkana en agosto de 1972. Moi moderno en aparencia déuselle ao primeiro unha antigüidade de 3 millóns de anos e incluíuse na especie Homo habilis, o que os creacionistas utilizaron para tentar desacreditar a teoría da evolución, pero medicións posteriores déronlle unha idade inferior a 2 millóns de anos. Posteriormente incluíuse na especie Homo rudolfensis, contemporáneo en todo caso do Homo habilis, diferenciándose deste por una cara máis plana e ampla, uns dentes poscaninos máis amplos e unhas raíces e coroas máis complexas e esmalte máis groso.

Notas[editar | editar a fonte]

  1. В.П. Алексеев. Палеоантропология земного шара и формирование человеческих рас. М., Наука, 1978г

Este artigo tan só é un bosquexo
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.