"Got to Be There" é unha canción escrita por Elliot Willensky para o artista estadounidense Michael Jackson, cuxa versión orixinal foi lanzada como un sinxelo en 1971 co selo Motown Records. A canción foi producida por Hal Davis e gravada nos estudios Motown's Hitsville West de Hollywood.
O sinxelo converteuse nun éxito inmediato, acadando o número un nas listas de sinxelos pop e de R&B, ó tempo que conseguía o número catro nas listas musicais de Billboard.[1] Lanzado tamén nos países europeos, tamén tivo éxito alí, conseguindo o número cinco no Reino Unido.[2] A canción foi composta como unha balada pop con elementos soul e soft rock.
