Forever, Michael é o cuarto álbum de estudio de Michael Jackson na súa carreira en solitario. O álbum, que foi lanzado en 1975, é o derradeiro que fixo co selo discográfico Motown Records. Forever, Michael foi xeralmente ben considerado polos críticos contemporáneos. Ó contrario que os álbums anteriores de Jackson, este non foi un éxito comercial en todo o mundo. Agás pola posición 101 na Billboard 200 e o 10 na Billboard dos Estados Unidos, o álbum non apareceu en ningunha outra lista musical. Este traballo vendeu máis dun millón de copias en todo o mundo dende o seu lanzamento.[2]