Off the Wall é o quinto álbum de estudio do artista estadounidense Michael Jackson. Foi estreado o 10 de agosto de 1979 por Epic Records, despois da actuación ben recibida pola crítica no filme O meigo. Mentres traballaba nese proxecto, Jackson e Quincy Jones fíxeronse amigos, e Jones accedeu a traballar con Jackson no seu próximo álbum. A gravación tivo lugar entre decembro de 1978 e xuño de 1979 en Allen Zentz Recording, Westlake Recording Studios e Cherokee Studios da cidade dos Ánxeles. Jackson colaborou con numerosos artistas como Paul McCartney, Stevie Wonder e Rod Temperton. Lanzáronse cinco sinxelos dese álbum, tres dos cales tiveron o seu vídeo musical. Jackson escribiu tres das cancións el mesmo, incluíndo o máis famoso "Don't Stop 'Til You Get Enough". Foi o seu primeiro lanzamento con Epic Records, o selo co que gravaría dende aquela ata a súa morte no 2009.
