Geri's Game

Geri's Game
Ficha técnica
Director	Jan Pinkava
Produtor	Karen Dufilho
Guión	Jan Pinkava
Intérpretes	Bob Peterson (voz)
Música	Gus Viseur
Montaxe	Jim Kallett
Estudio	Pixar Animation Studios
Distribuidora	Walt Disney Pictures
Estrea	25 de novembro de 1997; 25 de novembro de 1998 (con A Bug's Life)
Duración	4 minutos
Orixe	Estados Unidos
Na rede
	https://www.pixar.com/geris-game

Geri's Game (en galego, O xogo de Geri) é unha curtametraxe de animación por ordenador feita por Pixar en 1997. Foi escrita e dirixida por Jan Pinkava. Trátase da primeira curta de Pixar creada despois de Toy Story; a anterior curta fora Knick Knack en 1989.

O filme gañou un Premio Oscar á mellor curtametraxe animada no ano 1998.

Sinopse[editar | editar a fonte]

O filme transcorre nun parque baleiro en outono. O protagonista, Geri (voz de Bob Peterson), é un vello que xoga ao xadrez contra si mesmo, indo dun ao outro lado da mesa e converténdose nun dos dous xogadores en cada quenda. Ao cambiar de lado e ser o outro xogador, adopta unha personalidade diferente e mesmo quita e pon os lentes para mostrar o cambio.

A medida que se desenvolve a partida, semella que hai dúas persoas diferentes xogando. O Geri que xoga coas negras axiña vai comendo pezas ao outro Geri, que queda co rei soamente en xaque mate. Porén, o Geri das brancas simula un ataque ao corazón para distraer ao outro e xirar o taboleiro de xadrez. Unha vez recuperado, o Geri das pezas negras comproba que agora é el o que está en xaque mate, resígnase e dálle ao Geri que xogaba coas brancas unha prótese dental como premio. Este Geri pon a dentadura e bota a rir, mentres a cámara vai cara a atrás revelando que está el só xunto ao taboleiro de xadrez.

Desenvolvemento[editar | editar a fonte]

Geri's Game é a primeira produción de Pixar na que aparece un ser humano como protagonista, e o seu obxectivo foi "levar a animación de humanos e roupa a novas alturas".^[1]^[2]^[3]

A faciana do personaxe Geri parécese ao actor Jonathan Harris, que posteriormente daría voz a Geri na súa aparición en Toy Story 2. Neste mesmo filme, Geri é un restaurador de xoguetes e arranxa o brazo roto de Woody. Na súa caixa de ferramentas pódense ver varias pezas de xadrez como referencia á curtametraxe.

O director de Geri's Game, Jan Pinkava, comentou que o personaxe está baseado parcialmente en si mesmo e nos seus parentes máis vellos, particularmente no seu avó, que xogaba ao xadrez a miúdo.^[4]

Lanzamento[editar | editar a fonte]

Geri's Game proxectouse xunto á estrea en cines de A Bug's Life e máis adiante iría entre os contidos adicionais das publicacións en VHS e DVD do filme. Tamén se atopa no DVD Pixar Short Films Collection - Volume 1.

Premios[editar | editar a fonte]

1997 - Premios Oscar - Mellor Curtametraxe Animada
1998 - Festival de Animación Anima Mundi - Mellor Filme x2
1998 - Festival Internacional Annecy de Filmes de Animación - Jan Pinkava
1998 - Premios Annie Award - Logro sobresaliente en curtametraxe animada
1998 - Festival de cine de Florida - Mellor Curtametraxe
1998 - World Animation Celebration - Mellor 3-D CGI profesional, Jan Pinkava
1998 - Festival Mundial de Filmes Animados de Zagreb - Favorito de Internet

Erros[editar | editar a fonte]

Cando o Geri que xoga coas pezas brancas simula o ataque ao corazón e xira o taboleiro de xadrez, a caixa coas pezas comidas cae ao chan. Porén, cando o plano de cámara cambia, a caixa coas pezas non está no chan nin en ningunha outra parte.

Notas[editar | editar a fonte]

↑ "Pixar - Geri's Game - Behind the Scenes". Arquivado dende o orixinal o 14 de abril de 2012. Consultado o 12 de marzo de 2011.
↑ "B Robertson - "Meet Geri: The new face of Animation", Computer Graphics World 1998" (PDF). Arquivado dende o orixinal (PDF) o 11 de maio de 2011. Consultado o 12 de marzo de 2011.
↑ "T DeRose, M Kass, T Truong - "Subdivision surfaces in character animation", Proceedings of SIGGRAPH 1998" (PDF). Arquivado dende o orixinal (PDF) o 13 de xaneiro de 2007. Consultado o 12 de marzo de 2011.
↑ "Pixar Artist's Corner - Interview with Jan". Arquivado dende o orixinal o 04 de marzo de 2012. Consultado o 12 de marzo de 2011.

Véxase tamén[editar | editar a fonte]

Ligazóns externas[editar | editar a fonte]

Sitio web oficial Arquivado 02 de setembro de 2006 en Wayback Machine. (en inglés)
Geri's Game na IMDb (en inglés)
Geri's Game na Big Cartoon DataBase (en inglés)

Predecesor: Knick Knack	Curtametraxes de Pixar Animation Studios 1997	Sucesor: For the Birds

[1] "Pixar - Geri's Game - Behind the Scenes". Arquivado dende o orixinal o 14 de abril de 2012. Consultado o 12 de marzo de 2011.

[2] "B Robertson - "Meet Geri: The new face of Animation", Computer Graphics World 1998" (PDF). Arquivado dende o orixinal (PDF) o 11 de maio de 2011. Consultado o 12 de marzo de 2011.

[3] "T DeRose, M Kass, T Truong - "Subdivision surfaces in character animation", Proceedings of SIGGRAPH 1998" (PDF). Arquivado dende o orixinal (PDF) o 13 de xaneiro de 2007. Consultado o 12 de marzo de 2011.

[4] "Pixar Artist's Corner - Interview with Jan". Arquivado dende o orixinal o 04 de marzo de 2012. Consultado o 12 de marzo de 2011.

[1]

[2]

[3]

[4]

v c e Óscar á mellor curtametraxe animada
1932–1950	Flowers and Trees (1932) The Three Little Pigs (1933) The Tortoise and the Hare (1934) Three Orphan Kittens (1935) The Country Cousin (1936) The Old Mill (1937) Ferdinand the Bull (1938) The Ugly Duckling (1939) The Milky Way (1940) Lend a Paw (1941) Der Fuehrer's Face (1942) The Yankee Doodle Mouse (1943) Mouse Trouble (1944) Quiet Please! (1945) The Cat Concerto (1946) Tweetie Pie (1947) The Little Orphan (1948) For Scent-imental Reasons (1949) Gerald McBoing-Boing (1950)
1951–1975	The Two Mouseketeers (1951) Johann Mouse (1952) Toot, Whistle, Plunk and Boom (1953) When Magoo Flew (1954) Speedy Gonzales (1955) Magoo's Puddle Jumper (1956) Birds Anonymous (1957) Knighty Knight Bugs (1958) Moonbird (1959) Munro (1960) Ersatz (The Substitute) (1961) The Hole (1962) The Critic (1963) The Pink Phink (1964) The Dot and the Line: A Romance in Lower Mathematics (1965) A Herb Alpert and the Tijuana Brass Double Feature (1966) The Box (1967) Winnie the Pooh and the Blustery Day (1968) It's Tough to Be a Bird (1969) Is It Always Right to Be Right? (1970) The Crunch Bird (1971) A Christmas Carol (1972) Frank Film (1973) Closed Mondays (1974) Great (1975)
1976–2000	Leisure (1976) The Sand Castle (1977) Special Delivery (1978) Every Child (1979) The Fly (1980) Crac (1981) Tango (1982) Sundae in New York (1983) Charade (1984) Anna & Bella (1985) A Greek Tragedy (1986) The Man Who Planted Trees (1987) Tin Toy (1988) Balance (1989) Creature Comforts (1990) Manipulation (1991) Mona Lisa Descending a Staircase (1992) The Wrong Trousers (1993) Bob's Birthday (1994) A Close Shave (1995) Quest (1996) Geri's Game (1997) Bunny (1998) The Old Man and the Sea (1999) Father and Daughter (2000)
2001–presente	For the Birds (2001) The ChubbChubbs! (2002) Harvie Krumpet (2003) Ryan (2004) The Moon and the Son: An Imagined Conversation (2005) Den danske dikteren (2006) Peter and the Wolf (2007) La Maison en Petits Cubes (2008) Logorama (2009) The Lost Thing (2010) The Fantastic Flying Books of Mr. Morris Lessmore (2011) Paperman (2012) Mr Hublot (2013) Feast (2014) Historia de un oso (2015) Piper (2016) Dear Basketball (2017) Bao (2018) Hair Love (2019) If Anything Happens I Love You (2020) The Windshield Wiper (2021) The Boy, the Mole, the Fox and the Horse (2022) War Is Over! Inspired by the Music of John and Yoko (2023)