Lifted
| Lifted | |
|---|---|
| Ficha técnica | |
| Director | Gary Rydstrom |
| Produtor | Katherine Sarafian Osnat Shurer e John Lasseter (produtor executivo) |
| Guión | Gary Rydstrom |
| Música | Michael Giacchino |
| Montaxe | Steve Bloom |
| Estudio | Pixar Animation Studios |
| Distribuidora | Walt Disney Pictures |
| Estrea | 29 de decembro de 2006 29 de xuño de 2007 (con Ratatouille) |
| Duración | 5 minutos |
| Orixe |  Estados Unidos |
| Xénero | Animación |
| Na rede | |
| http://www.pixar.com/short_films/Theatrical-Shorts/Lifted | |
     | |
Lifted (en galego, Abducido) é unha curtametraxe de animación por ordenador feita por Pixar en 2006. Foi dirixida por Gary Rydstrom, a súa primeira vez no labor de dirección.
O filme foi candidato ao Premio Oscar á Mellor Curtametraxe Animada no ano 2007.[1]
Argumento[editar | editar a fonte]
Un extraterrestre mozo, Stu, atópase no interior dunha nave espacial realizando un exame de abdución. Para superar a proba debe levar un granxeiro durmido, chamado Ernie, ata a nave, baixo a atenta mirada do seu profesor, o Sr. B.[2] Perante del, Stu ten centos de interruptores carentes de etiquetas nunha consola xigante que deberá utilizar para aprobar o exame. Dubidando e dándolle a varios interruptores incorrectos, Stu fai golpear o humano contra as paredes, o teito e o chan, sen chegar a espertalo do seu sono. Stu frústrase por non conseguir o seu obxectivo e preme e acciona todos os interruptores que pode á vez. Como consecuencia disto, o granxeiro golpéase contra todo o que hai no seu cuarto. Stu segue a premer algúns interruptores ao chou e asemade o Sr. B toma notas. Finalmente, Stu consegue elevar ao granxeiro ata a nave tras ler algúns dos seus apuntamentos, pero retira o dedo do botón moi rápido e precipítase contra o chan. Antes de que chegue ao solo, o Sr. B ponse diante dos interruptores e impide que caio; devolve ao granxeiro á súa cama e arromba o cuarto.
Avergonzado polo seu fracaso, Stu comeza a choromicar, contendo as bágoas. O Sr. B, compasivo, permite xenerosamente que Stu leve a nave de volta á súa casa. Cheo de ledicia, Stu toma os controis e comeza a elevar a nave no aire, pero de súpeto esta cae sobre a casa do granxeiro. Cando a nave espacial finalmente marcha, queda un profundo cráter en cuxo centro queda un piar provocado pola pequena entrada que deixara aberta Stu ao abducir o granxeiro. No centro dese piar, o granxeiro segue a durmir na súa cama.
Durante os créditos finais escóitase a alarma dun reloxo, ao granxeiro acordando e bocexando, un berro Wilhelm e por último un ruído xordo, indicando que caera no cráter.
Lanzamento[editar | editar a fonte]
A curta estreouse nos cines xunto ao filme de Pixar Ratatouille. Xa se proxectara un adianto no Festival Internacional de Cine de Chicago.[3]
Notas[editar | editar a fonte]
- ↑ "79th Academy Awards Nominations/Wins". Arquivado dende o orixinal o 13 de xaneiro de 2008. Consultado o 12 de marzo de 2011.
- ↑ "Pixar.com - Lifted". Arquivado dende o orixinal o 07 de marzo de 2011. Consultado o 12 de marzo de 2011.
- ↑ Chicago International Film Festival Webpage detailing Lifted showing
Véxase tamén[editar | editar a fonte]
Ligazóns externas[editar | editar a fonte]
- Sitio web oficial Arquivado 31 de agosto de 2009 en Wayback Machine. (en inglés)
- Lifted na IMDb (en inglés)
- Lifted na Big Cartoon DataBase (en inglés)
| Predecesor: One Man Band |
Curtametraxes de Pixar Animation Studios 2006 |
Sucesor: Presto |
