Gayatri Chakravorty Spivak

Gayatri Chakravorty Spivak
Nacemento	24 de febreiro de 1942
Lugar de nacemento	Calcuta
Nacionalidade	Raj Británico, Domínio da Índia e India
Alma máter	Universidade de Calcuta, Universidade de Iowa, Universidade Cornell, Lady Brabourne College, Girton College e St. John's Diocesan Girls' Higher Secondary School
Ocupación	escritora, filósofa, profesora universitaria, tradutora e crítico literario
Premios	Bolsa de estudos Guggenheim, Padma Bhushan, Kyoto Prize in Arts and Philosophy e Doutor honorário da Universidade de Paris 8
[ editar datos en Wikidata ]

Gayatri Chakravorty Spivak, nada en Calcuta o 24 de febreiro de 1942, é unha pensadora, teórica literaria e feminista crítica india. experta en crítica literaria e en teoría da literatura, autora dun texto fundamental na corrente poscolonialista, "Poden falar os subalternos?", así como dunha famosa tradución ó inglés do libro De la grammatologie, do teórico deconstrutivista Jacques Derrida. É profesora na Universidade de Columbia, nos Estados Unidos, e unha asidua conferenciante en todo o mundo.

Estudos universitarios

Graduouse con mención especial en inglés pola Universidade de Calcuta en 1959, despois do cal completou un mestrado na Universidade Cornell, nos Estados Unidos. Acabou a súa tese de doutoramento mentres exercía de profesora na Universidade de Iowa, cunha disertación sobre o poeta irlandés William Butler Yeats dirixida por Paul de Man.